გათბობის რეჟიმი - შეიძლება თუ არა კონდიციონერის გამოყენება ზამთარში?

კონდიციონერი ის უნივერსალური სისტემაა, რომელიც ნებისმიერ სეზონზე გამოგადგებათ, თუკი სწორად შერჩეული, ხარისხიანი და შესაბამისად დამონტაჟებული იქნება. ახლა უკვე სექტემბერია, ის დრო, როცა მაცხოვრებლების გარკვეული ნაწილი ნელ-ნელა იწყებს გათბობის ქვაბზე, ცენტრალური გათბობის სისტემაზე ან თუნდაც კონვექტორულ გამათბობლებზე ფიქრს. შესაძლებელია კონდიციონერის გამოყენება ზამთარში ისე, რომ შეუჩერებლად და შეუფერხებლად იმუშაოს? ამაზე პასუხს სწორედ ამ ბლოგში გაიგებთ. გაგიზიარებთ რჩევებს, რომელია საუკეთესო ბრენდისა და ხარისხის ტექნიკა და როგორ შეიძლება გამოვიყენოთ მაქსიმალურად ეფექტურად.

პირველ რიგში, უნდა იცოდეთ, რომ კონდიციონერის ახალი თაობის მოწყობილობები გათვლილია როგორც ზაფხულის სიცხესთან, ისე ზამთრის სიცივესთან გასამკლავლებლად, მაგრამ რამდენად რეალურიაეს ყველაფერი მაშინ, თუ კონდიციონერი სგამოყენება მთავარი გათბობის წყაროდ გვსურს?

როგორ მუშაობს კონდიციონერი?

კონდიციონერი, როგორც წესი, უზრუნველყოფს გრილ ჰაერს თქვენი სახლის შიგნით მაცივარ-აგენტის, ფრეონის დახმარებით.

აირადი ფრეონი კონდიციონერის გარე ბლოკში იწნეხება და ხდება თხევადი.

შემდეგ თხევადი ფრეონი ხვდება შიდა აგრეგატში, სადაც იქცევა აირადად და გარშემომყოფ ჰაერს მომენტალურად აცილებს სითბოს, ანუ აგრილებს.

ეს პროცესი მანამ გრძელდება, სანამ ჰაერის ტემპერატურა თქვენთვის სასურველ ნიშნულს მიაღწევს.

შეიძლება თუ არა ზამთარში კონდიციონერის ზამთარში გამოყენება?

პასუხი მარტივია, დიახ. მაგრამ აქ რამდენიმე გარემოებაა მნიშვნელოვანი.

პირველი და მთავარი გარეთ არსებული ტემპერატურაა. ხარისხიანი ინვერტორული კონდიციონერები ეფექტურად მუშაობენ -5°C ან -10°C-მდე. პრემიუმ კლასის მოდელებს კი შეუძლიათ -15°C-საც გაუძლონ. თუმცა, თუ ტემპერატურა მკვეთრად დაეცემა, მოწყობილობა მეტ ენერგიას მოიხმარს და შესაბამისად, მისი ეფექტურობაც მცირდება.

მეორე ფაქტორი სწორი მონტაჟია. თუ გარე ბლოკი არასწორადაა დამონტაჟებული, ან თოვლი და ყინული ზედ გროვდება, შესაძლებელია, სისტემა დაზიანდეს. ამიტომ დამონტაჟება და მისი კონტროლი, აუცილებელი წინაპირობაა.

მესამე ფაქტორი ოთახის ზომა და იზოლაციაა. თუ შენობაში კედლები თბოიზოლირებული არ არის და ფანჯრებიდან დიდი ოდენობით სითბო იკარგება, კონდიციონერს მუდმივად მუშაობა მოუწევს. ასეთ დროს მოწყობილობა ვერ გახდება ძირითადი გათბობის წყარო,

ამიტომ გაითვალისწინეთ, რომ თუ კონდიციონერს მთავარი გათბობის წყაროდ განიხილავთ, რიგ ფაქტორებს უნდა აკმაყოფილებდეს, სხვა შემთხვევაში კი აუცილებლად მალე დაზიანდება.

რომელი ბრენდის კონდიციონერია საუკეთესო?

Electrolux EACD-18H UP4-DC/N8 არის არხული ტიპის კონდიციონერი, რომელიც განკუთვნილია საშუალო და დიდი ზომის სივრცეების ეფექტურად გასაგრილებად და გასათბობად. მისი მძლავრი და ენერგოეფექტური დიზაინი სტაბილურ კომფორტს უზრუნველყოფს მთელი წლის განმავლობაში.

რა ძირითადი მახასიათებლები აქვს კონდიციონერს?

ინვერტორული ტექნოლოგია: ენერგოეფექტური ძრავა, რომელიც არეგულირებს სიმძლავრეს საჭიროების მიხედვით, რითაც იზოგება ენერგია და იზრდება მოწყობილობის სანდოობა.
მრავალარხიანი სისტემის მხარდაჭერა: შესაძლებელი ხდება რამდენიმე ოთახში ერთდროულად ტემპერატურის რეგულირება.
ავტომატური მუშაობის რეჟიმები: სითბოს და სიგრილის რეგულირება ავტომატურად, რაც უზრუნველყოფს ოპტიმალურ ტემპერატურას.
ენერგოეფექტურობა: კონდიციონერს აქვს მაღალი სეზონური ენერგოეფექტურობის კოეფიციენტები, რაც მიუთითებს მის ეფექტურობას როგორც გაგრილების, ასევე გათბობის რეჟიმში

რა უსაფრთხოების ნორმები უნდა დავიცვათ იმისთვის, რომ კონდიციონერმა დიდხანს გაძლოს?

სწორი ინსტალაცია: მოწყობილობა აუცილებლად უნდა იყოს სწორად დამონტაჟებული ელექტრო შოკის თავიდან ასაცილებლად.
ვენტილაციის უზრუნველყოფა: დარწმუნდით, რომ კონდიციონერი დამონტაჟებულია ისე, რომ ჰაერის თავისუფალი ნაკადი არ იყოს შეფერხებული.
ტექნიკური მომსახურება: მოწყობილობა პერიოდულად უნდა შემოწმდეს სერტიფიცირებული ტექნიკოსის მიერ, რათა თავიდან იქნას აცილებული ნებისმიერი გაუმართაობა.
ელექტრო კავშირების მონიტორინგი: რეგულარულად შეამოწმეთ ელექტრო კავშირები და დარწმუნდით, რომ ისინი მტკიცედაა დამაგრებული.
მონტაჟი და გამოყენება: კონდიციონერის მონტაჟიდა გამოყენება უნდა განხორციელდეს მხოლოდ პროფესიონალი ტექნიკოსის დახმარებით, რათა მაქსიმალურად იქნას დაცული უსაფრთხოების ნორმები.

საბოლოო ჯამში, ზამთარში კონდიციონერის გათბობის რეჟიმის გამოყენება მხოლოდ დამატებითი ალტერნატივაკი არა, ზოგ შემთხვევაში - სრულფასოვანი გამოსავალიც არის. მისი მთავარი უპირატესობა ისაა, რომ ერთ სისტემაშია მოქცეული მახასიათებლები, რომლის დახმარებითაც შეგიძლია გაგრილდე ან გაათბო ოთახი სულ რამდენიმე წუთში. დღეს უკვე ინვერტორული სისტემები საშუალებას იძლევა ხარჯი შეამციროთ და თქვენს სივრცეში მაქსიმალური კომფორტი შეინარჩუნოთ.

რა თქმა უნდა, არსებობს გარკვეული შეზღუდვები - მკაცრი ყინვებისას კონდიციონერის ეფექტურობა მცირდება, დიდ სივრცეში კი შესაძლოა, მხოლოდ ერთი კონდიციონერისაკმარისიარ იყოს. მაგრამ თუ თქვენს ბინას ან ოფისს სჭირდება თანამედროვე, ეკონომიურიდა მოსახერხებელი გათბობის გზა, კონდიციონერი მართლაც საუკეთესო გამოსავალია.

რაც მთავარია, დღეს ბაზარზე ლიდერი კომპანიის, Electrolux-ის პროდუქციის შეძენაც შეგიძლიათ. როგორც უკვე გითხარით, Electrolux ერთ-ერთი გლობალური ლიდერია საყოფაცხოვრებო ტექნიკის წარმოებაში, რომელიც ათწლეულებია მომხმარებლის ნდობითა და ძლიერი რეპუტაციით სარგებლობს. კომპანია ცნობილია პროდუქციის მაღალიხარისხით, სანდოობით და მომხმარებელზე ორიენტირებული მიდგომით, რაც მას მსოფლიო ლიდერად აქცევს ტექნიკის ინდუსტრიაში.

თუ აპირებთ კონდიციონერის შეძენას, წინასწარ განსაზღვრეთ საჭიროებები, რომლის დაკმაყოფილებაც შეძენილი ტექნიკით გსურთ, ასე თავს აირიდებთ ყველა არსებულ პრობლემას, დაზოგავთ ხარჯებს და გაუფრთხილდებით ნერვებს.