სახლის ელექტროობა - როგორ ავიცილოთ ზედმეტი ხარჯი თავიდან

ელექტროობა, მითუმეტეს მისი გამართული სისტემა, საყოფაცხოვრებო ტექნიკის მუშაობისთვის საჭირო და აუცილებელია. შესაძლოა, არასდროს დაფიქრებულხართ იმაზე, რატომ გეწვებათ ნათურა ყოველ კვირას, ან ტექნიკა, რაშიც საკმაოდ დიდი თანხა გადაიხადეთ, რატომ ფუჭდება პერიოდულად. ამ შემთხვევაში, საქმე შესაძლოა არა უხარისხო ნივთებში, არამედ მოუწესრიგებელი ელექტროობის სისტემაში იყოს. ამ ბლოგში გაგიზიარებთ დეტალურ ინფორმაციას, თუ რა იწვევს ნათურების ხშირ წვას და როგორ ავიცილოთ ზედმეტი ხარჯი ელექტროობის მოწესრიგებით.

ზედმეტი ძაბვა

ერთ-ერთი მთავარი მიზეზი, რის გამოც ნათურები სწრაფად იწვება, მაღალი ძაბვაა. ჩვენთან საცხოვრებელი ბინების უმეტესობას 220V-იანი ქსელი აქვს. თუ ნათურა მორგებული არ არის ამ სტანდარტისთვის, ცხადია, დიდხანს ვერ გაძლებს და გადაიწვება.

პირველ რიგში, შეამოწმეთ ნათურაზე დატანილი ნიშნები: თუ აწერია, რომ იგი განკუთვნილია 220V-ზე მუშაობისთვის, აღნიშნულ სტანდარტს მოერგება და პრობლემას არ შექმნის;
მაღალი ძაბვის შემთხვევაში, გამოსავალია სტაბილიზატორის დაყენება, რომელიც მთლიან სისტემას დაიცავს და ნათურებიც უფრო დიდხანს გაძლებს.

ცუდად დაყენებული ნათურა

ხშირად, პრობლემა სწორედ იქ აღმოჩნდება ხოლმე, სადაც ყველაზე ნაკლებად წარმოგვიდგენია. ასეთი შემთხვევაა, როცა ნათურა სწორად არ ზის თავის ბუდეში.

ცხადია, რომ თუ კონტაქტი არასრულყოფილია, ელექტროენერგია შეფერხებით მუშაობს, პერიოდულად კი ნათურა მალე ზიანდება და იწვის.

ყურადღებით დააყენეთ ნათურა, დარწმუნდით, რომ იგი მყარად ზის.
არ გამოიყენოთ ზედმეტი ძალა და არ დააწვეთ, რადგან თუ ბუდე დაზიანდა, ნათურა მაინც გაუმართავი და უსარგებლო დარჩება.

ვიბრაციები და მოძრაობა

შესაძლოა, უცნაურად მოგეჩვენოთ, მაგრამ ხშირი ვიბრაცია ან მოძრაობა ნათურის სიცოცხლის ხანგრძლივობაზე დიდ გავლენას ახდენს.

მაგალითად:

თუ ნათურა დამონტაჟებულია ისეთ ადგილას, სადაც ჭერი ან კედელი ხშირად ირყევა (მაგ. კიბესთან) ვიბრაცია სწრაფად აზიანებს მასში არსებულ ვოლფრამის ძაფს. დაბალი სიხშირის ვიბრაციაც კი დროთა განმავლობაში ძაფის მოშლას იწვევს.

ასეთ დროს, საუკეთესო გამოსავალია LED ნათურაზე გადასვლა, მასში ვოლფრამის ძაფი არ არის და ვიბრაცია ვერაფერს ავნებს. თანამედროვე სტანდარტებით, ერთ კვადრატულ მეტრზე, საშუალოდ 15-20 ვატი LED განათებაა საჭირო. ეს ნიშნავს, რომ 20 კვადრატული მეტრის ოთახისთვის ჯამში საჭიროა 300-400 ვატი განათება.

LED ტექნოლოგია ამჟამად ყველაზე ეფექტური არჩევანია როგორც დიზაინის, ასევე, ენერგოეფექტურობის თვალსაზრისით. მათი მოხმარება დიდი ხნის განმავლობაში შეგიძლიათ, თანაც უსაფრთხო და მარტივად მოსახმარია.

გამოიყენეთ ენერგოეფექტური ტექნიკა

ძველი მაცივარი, სარეცხი მანქანა ან გამათბობელი საბოლოო ჯამში, შესაძლოა, ნამდვილ თავის ტკივილად გექცეთ. გირჩევთ, რომ შეცვალოთ ისეთი საყოფაცხოვრებო ტექნიკა, რომელიც 10 წელზე ძველია და ჩაანაცვლოთ იგი ენერგოეფექტური მოდელით. დაიმახსოვრეთ, რომ მოკლევადიან პერიოდში, ეს შეიძლება ხარჯიანი ჩანდეს, მაგრამ გრძელვადიან პერიოდში დაზოგავთ როგორც ელექტროენერგიას, ისე ნათურების ხშირად შეცვლის ხარჯს.

შეამოწმეთ ნათურა რეგულარულად

ძველი ან გაუმართავი გაყვანილობა ენერგიის დიდ დანაკარგს იწვევს. ხშირად, სწორედ ეს არის ნათურების წვის მიზეზი.
წელიწადში ერთხელ მაინც დაგჭირდებათ ელექტრიკოსის მომსახურება, რომელიც შეამოწმებს სადენების მდგომარეობას, შეაფასებს ძაბვას და აღმოფხვრის ყველა პრობლემას.

აქვე, იმასაც გაგიზიარებთ, რომელი ოთახისთვის რომელი სიმძლავრისა და განათების ტიპის გამოყენება ჯობს. თბილი სინათლე (2700-3000K) იდეალურია საძინებლისა და ისეთი სივრცისთვის, სადაც მყუდრო ატმოსფეროს შექმნა გსურთ.

ცივი სინათლე (4000-6500K) კი შესაფერისია სამზარეულოს, სააბაზანოსა და სამუშაო ოთახებისთვის, სადაც კონცენტრაცია და ენერგიულობაა საჭირო.

დიმერები საშუალებას გაძლევთ, დაარეგულიროთ განათების ინტენსივობას დროისა და თქვენივე საჭიროების მიხედვით.

ნებისმიერი ნათურა და სანათები რეგულარულ მოვლას საჭიროებს, რათა ეფექტურობა შეუნარჩუნდეს. მტვერი და ჭუჭყი მნიშვნელოვნად ამცირებს სინათლის ძალას - ზოგჯერ 30%-მდეც კი. რბილი, მშრალი ქსოვილით ან სპეციალური ხნსარით, თვეში ერთხელ წმენდა საკმარისი იქნება.

სად ვიყიდოთ პრემიუმ ხარისხის განათება ბიუჯეტურად?

თუ შენაძენის გაკეთებას ონლაინ აპირებთ, ყოველთვის გადაამოწმეთ შეფასებები, მომხმარებლის მიმოხილვები და გამოხმაურებები კონკრეტულ ადგილზე, ბრენდსა და მომსახურებაზე.

არ დაგავიწყდეთ, რომ თანამედროვე განათება და ნათურები ე.წ სმარტ ფუნქციებით არის აღჭურვილი. Wi-Fi კავშირით შეგიძლიათ კონტროლი გაუწიოთ სმარტფონიდან, დააყენოთ ტაიმერები და შეცვალოთ ფერები. ეს განსაკუთრებით მოსახერხებელია მაშინ, როცა სახლში არ ხართ, სინათლის გამორთვა კი დაგავიწყდათ.

ღია სენსორები ავტომატურად რეაგირებს ბუნებრივ სინათლეზე და წყვეტს ხელოვნური განათების ინტენსივობას. ეს კიდევ უფრო დაგიზოგავთ ენერგიას და შეამცირებს თქვენს ხარჯებს.

საბოლოოდ, სახლის ელექტროობის მოწესრიგება მხოლოდ ეკონომიის საკითხი არ არის, პირველ რიგში ეს უსაფრთხოება და თავის დაზღვევაა. ზედმეტი ხარჯი, ნათურების ხშირი წვა, ტექნიკის დაზიანება თითქოს პატარა პრობლემად შეიძლება მოგვეჩვენოს, თუმცა, სინამდვილეში უფრო სერიოზული საფრთხის წინაპირობაა.

სინამდვილეში, თუ სახლში არსებული სისტემა სუსტად მუშაობს, ნებისმიერი ოჯახი მუდმივად ზედმეტ ხარჯს იღებს. ახალი ნათურების ყიდვა, დაზიანებული მოწყობილობების შეკეთება ან ჩანაცვლება და ენერგიის უსარგებლო მოხმარება, დროთა განმავლობაში საკმაოდ დიდი თანხა ჯდება, ამიტომ გირჩევთ, ეს საკითხი სწრაფად მოაგვაროთ.