შეცდომები, რომლებსაც სამუშაო ხელსაწყოების შეძენისას ვუშვებთ

სამუშაო ხელსაწყოებს ჩვენს რუტინულ, ყოველდღიურ ცხოვრებაში ბევრად მეტი დატვირთვა აქვს, ვიდრე წარმოგვიდგენია. სახლის კოსმეტიკური განახლებიდან დაწყებული, რემონტით დამთავრებული, სწორად შერჩეული ინსტრუმენტები პირდაპირ განსაზღვრავს ნებისმიერი ქმედების შედეგსა და ხარისხს. ხანდახან გვგონია, რომ სამუშაო ხელსაწყოების შერჩევას ზედმეტი ძალისხმევა არ სჭირდება, თუმცა ეს გავრცელებული შეცდომაა. აუცულებელია, წინასწარ განვსაზღვროთ რისთვის გვჭირდება, ვინ იყენებს მათ: მოყვარული თუ პროფესიონალი და სხვ. ამ ბლოგში გაგიზიარებთ რჩევებსა და ხრიკებს, როგორ შევარჩიოთ ჩვენთვის საჭირო პროდუქცია ისე, რომ ხანგრძლივად და კომფორტულად გამოვიყენოთ.

მანამდე კი გავრცელებულ შეცდომებზე მოგიყვებით:

ფასზე კონცენტრაცია

მყიდველების უმრავლესობა ინსტრუმენტის შეძენისას მხოლოდ დაბალ ფასს აქცევს ყურადღებას. არადა, ბიუჯეტური მოდელები შესაძლოა, მოკლევადიან პერსპექტივაში მომგებიანად მოგეჩვენოთ, თუმცა რეალურად, უფრო სწრაფად ფუჭდება და ახალი ხელსაწყოს ყიდვა ხდება საჭირო. საბოლოოდ კი, ეს ორჯერ და სამჯერ მეტ ხარჯს მოგიტანთ.
ეცადეთ, ყოველთვის შეაფასოთ არამხოლოდ ფასით, არამედ ხარისხით. დააკვირდით მწარმოებელს, მოიძიეთ, რამდენად სანდოა და მოითხოვეთ გარანტიის პირობები. გახსოვდეთ, რომ კარგი ხარისხის სამუშაო ხელსაწყოები ისეთი ინვესტიციაა, რომელიც დიდხანს უნდა მოგემსახუროთ.

აცდენილი საჭიროებები

ხშირად ადამიანები ხელსაწყოებს იმ პრინციპით ყიდულობენ, რომ ოდესმე დასჭირდებათ. შემდეგ კი სახლში ათობით არასაჭირო ინსტრუმენტი გროვდება, ხოლო საჭიროების შემთხვევაში გარკვეული ნივთები მაინც აკლიათ. გირჩევთ, სანამ რაიმეს შეიძენთ, ჩამოწეროთთ თქვენი რეალური საჭიროებები. მაგალითად, თუ მხოლოდ საყოფაცხოვრებო სამუშაოებისთვის გჭირდებათ, არ არის აუცილებელი მძიმე და პროფესიონალური ტექნიკის ყიდვა. ხოლო, თუ პროფესიით ხელოსანი ან მშენებელი ხართ, უმჯობესია ინვესტიცია ხარისხიან და მრავალფუნქციურ ხელსაწყოებში ჩადოთ.

ბრენდისა და ხარისხის უგულებელყოფა

სამუშაო ხელსაწყოები მხოლოდ გარეგნულად შეიძლება ჰგავდეს ერთმანეთს, მაგრამ მათი ხარისხი და გამძლეობა მნიშვნელოვნად განსხვავდება. ნაკლებად ცნობილიან უხარისხო ბრენდის პროდუქტი შესაძლოა, გაცილებით იაფი იყოს, მაგრამ საბოლოოდ ვერ გაუძლოს დატვირთვას და ხშირი შეკეთება დაგჭირდეთ.
ამიტომ, უპირატესობა მიანიჭეთ ცნობილ ბრენდებს, რომლებიც წლებია ბაზარზე არიან, აქვთ მომხმარებელთა დადებითი შეფასებები და უზრუნველყოფენ შესაბამის სერვისს.

ერთ მახასიათებელზე კონცენტრირება

სამუშაო ხელსაწყოების შეძენისას მომხმარებლები ხშირად მხოლოდ ფუნქციურ მხარეს აქცევენ ყურადღებას და ავიწყდებათ ისეთი დეტალები, როგორიცაა სიმსუბუქე, ფორმა, მასალა, ბალანსი. არაკომფორტულმა ინსტრუმენტმა შესაძლოა არამხოლოდ დაგღალოთ სამუშაოს შესრულებისას, არამედ დაგაზიანოთ კიდეც.

ამიტომ, ყიდვამდე, აუცილებლად შეამოწმეთინსტრუმენტიხელში, რამდენად მოსახერხებელია, სრიალებს თუ არა, რამდენად კომფორტულია წონის მიხედვით. დაიმახსოვრეთ, რომ უსაფრთხოება ისეთივე მნიშვნელოვანი კრიტერიუმია, როგორც ხარისხი და გამძლეობა.

ტექნიკური მახასიათებლების უგულებელყოფა

ხშირია შემთხვევა, როდესაც მარკეტინგს შეცდომაში შევყავართ და რეკლამის მსხვერპლი ვხდებით. შესაძლოა, ყიდვა გვიბიძგოს ინფლუენსერმა, პროდუქტის შეფუთვამ ან ნებისმიერმა სხვა რამემ, თუმცა საბოლოოდ აღმოჩნდება ხოლმე, რომ ინსტრუმენტი ვერ ასრულებს იმ სამუშაოს, რისთვისაც ვიყიდეთ. გირჩევთ, ყურადღებით შეისწავლოთ თითოეული მოდელის სიმძლავრე, სიჩქარე, ზომა, მასალა და დამატებითი ფუნქციები. თუ რამე გაუგებარია, სთხოვეთ კონსულტაცია სპეციალისტს ან შეადარეთ რამდენიმე მოდელი ერთმანეთს.

მოვლა და გაფრთხილება

ხელსაწყოს სიცოცხლის ხანგრძლივობა პირდაპირ არის დამოკიდებული სწორად შენახვასა და მოვლაზე. ხშირად ხდება, რომ ძვირადღირებული ინსტრუმენტი გაფუჭდა მხოლოდ იმიტომ, რომ ნესტიან ან მტვრიან გარემოში მოხვდა დიდი ხნით განმავლობაში.
გირჩევთ, რომ შეიძინოთ ინსტრუმენტები, რომელსაც აქვთ სპეციალური ჩანთა ან ჩასადები, რეგულარულად გაწმინდეთ ისინი მტვრისგან და მოარიდეთ სისველეს. ასევე, გაითვალისწინეთ მწარმოებლის მიერ მოცემული ინსტრუქცია, რომელიც პროდუქციას თან ახლავს ხოლმე.

რჩევის იგნორირება

ხშირად ხდება ისეც, რომ ადამიანები მხოლოდ რეკლამას ან მეგობრის რჩევას ენდობიან და პროფესიონალ კონსულტანტთან ყიდვის დროს არ საუბრობენ პროდუქციაზე. შედეგად, ინსტრუმენტი შესაძლოა სრულიად შეუსაბამო აღმოჩნდეს კონკრეტული საქმიანობისთვის. ყოველთვის ჰკითხეთ რჩევა მაღაზიაში კონსულტანტს ან იმ ადამიანს, ვისაც ყოველდღიურად აქვს შეხება სამუშაო ხელსაწყოებთან. მათი გამოცდილება შესაძლოა, მუშაობის პროცესში თქვენთვის ყველაზე კარგი გზამკვლევი გახდეს.

როგორც უკვე ვახსენეთ, სამუშაო ხელსაწყოების არჩევისას ერთ-ერთი მთავარი კრიტერიუმია ბრენდის სანდოობა. მომხმარებლები ყოველთვის ეძებენ ისეთ მწარმოებელს, რომელიც არამხოლოდ გამძლე და ფუნქციურ პროდუქტს უშვებენ გაყიდვაში, არამედ უზრუნველყოფენ ხელმისაწვდომ ფასსა და ფართო ასორტიმენტს. სწორედ ასეთია Deli, ბრენდი, რომელიც ბოლო წლებში სულ უფრო და უფრო მოთხოვნადი ხდება. თანაც, მისი გამოყენება შეუძლია როგორც პროფესიონალებს, ასევე მოყვარულებს. ბრენდი მომხმარებელს სთავაზობს პრაქტიკულად ყველაფერს, რაც შეიძლება დასჭირდეს:

• ხელის ინსტრუმენტები (ჩაქუჩები, სახრახნისები;
• საზომი საშუალებები;
• ელექტრო ინსტრუმენტები (დრელები, ხერხები, სარემონტო ტექნიკა);

• უსაფრთხოების აქსესუარები (ხელთათმანები, სათვალეები);
• საოფისე და საოჯახო საჭიროების ნივთები და სხვ.

ამ სიკეთეებთან ერთად, ბრენდი მომხმარებლებს ისეთ პროდუქციას სთავაზობს, რომელიც ბევრად უფრო ხელმისაწვდომია, ვიდრე სხვა ბრენდის ამავე ტიპის ხელსაწყოები. მიუხედავად იმისა, რომ Deli ხშირად აღიქმება როგორც „ბიუჯეტური“ ბრენდი, მისი ინსტრუმენტები დამზადებულია ისეთი მასალისგან, რომელიც იცავს მათ სწრაფი ცვეთისგან და წლების მანძილზე თავისუფლად მოგემსახურებათ, თუკი რა თქმა უნდა, თქვენც გაუფრთხილდებით და მოუვლით.

იხილეთ ხელსაწყოების სრული ასორტიმენტი.