რატომ უნდა ავარჩიოთ მდფ კარები ჩვენი სახლისთვის?

მდფ კარები - რაც დრო გადის, ალბათ სულ უფრო და უფრო ხშირად ხვდებით სოციალურ ქსელში და მაღაზიებში შემოთავაზებულ პროდუქტს მსგავსი დასახელებით. ამას რამდენიმე ფაქტორი განაპირობებს. პირველ რიგში, იქედან დავიწყოთ, რომ სახლში კარის არჩევა მხოლოდ ესთეტიკის საკითხი არ არის, - მასალა, ხარისხი და ფუნქციურობა დიდ როლს ასრულებს ყოველდღიური კომფორტისა და სიმყუდროვის შექმნაში.

იქედან გამომდინარე, რომ ბაზარზე პროდუქციის მრავალფეროვნება იზრდება, რაოდენობა კი მატულობს, ხშირად ვაწყდებით დილემას: რომელი შევარჩიოთ? ხის კარი თუ მდფ კარები? ამ ბლოგში გაგიზიარებთ განსხვავებებს, უპირატესობებსა და ნაკლოვანებებს, რაც თითოეული მასალით დამზადებულ კარს აქვს. აქვე, მოგიყვებით რჩევებზე, რომლებიც კარის შეძენისას აუცილებლად უნდა გაითვალისწინოთ იმისთვის, რომ თავი აარიდოთ ზედმეტ პრობლემებსა და დისკომფორტს.

კარი სხვადასხვა მასალისგან შეიძლება დამზადდეს, თითოეულ მათგან სცხადია, თავისი დანიშნულება აქვს:

ხის კარები - ნებისმიერისთვის კლასიკური არჩევანია, გამორჩეული ბუნებრივი იერსახითა და ავთენტურობით;
მდფ კარები - თანამედროვე და ბიუჯეტური არჩევანია, მრავალფეროვანი დიზაინითა და ტექსტურით;
რკინის კარები - როგორც წესი, შემოსასვლელში მონტაჟდება და რამდენიმე ათწლეულია, სიძლიერისა და უსაფრთხოების სიმბოლოდ აღიქმევა;
მინის კარები - ამ ტიპის კარს უფრო ნაკლებად ვხვდებით საცხოვრებელ ბინებში, უფრო ხშირად გამოიყენება ოფისებსა და სამუშაო სივრცეებში, თანამედროვე ინტერიერის შესაქმნელად;
პლასტმასის კარები - ძირითადად აივნებისა და სათავსო სივრცეებისთვის გამოიყენება.

ხის კარი

ხის კარი საუკუნეების განმავლობაში სიმდიდრის, სტაბილურობისა და ხარისხის სიმბოლოდ ითვლებოდა. დღესაც, მომხმარებლების უმეტესობა პირველ რიგში, სწორედ ხის კარს ყიდულობს, რადგან მას რამდენიმე შეუცვლელი უპირატესობა აქვს:

ბუნებრივი სილამაზე - ხის კარი ქმნის სიმყუდროვესა და განსაკუთრებულ აურას სახლში. მისი ბუნებრივი ტექსტურა ავთენტურ იერს აძლევს ინტერიერს და მას უფრო მიმზიდველს, ძვირადღირებულს ხდის.
სიმყარე და გამძლეობა - გარდა ამისა, სწორად დამუშავებული ხე,წლების განმავლობაში ინარჩუნებს მყარ სტრუქტურას, რაც გრძელვადიან პერსპექტივაში თანხის დაზოგვის კარგი საშუალებაა, მიუხედავად იმისა, რომ ერთჯერად ყიდვის დროს, ფასი საკმაოდ მაღალი შესაძლოა მოგეჩვენოთ.
უნიკალურობა - ხის თითოეული კარი ერთმანეთისგან განსხვავებულია, რადგან ბუნებრივ მასალაში არასდროს მეორდება ერთი და იგივე ტექსტურა.
პრესტიჟი - ხის კარი ქმნის ძვირფას და სოლიდურ გარემოს, რაც განსაკუთრებით მნიშვნელოვანია კლასიკური ინტერიერის მოყვარულთათვის.

ნაკლოვანებების აღნიშვნისას, უნდა გავითვალისწინოთ, რომ ხის კარი შედარებით ძვირია, საჭიროებს განსაკუთრებულ მოვლას (მაგ. ტენიანობისგან დაცვას) და უფრო მძიმეა, ვიდრე ნებისმიერი სხვა მასალა.

მდფ კარები - არის თუ არა ხელმისაწვდომი და თანამედროვე

მდფ კარები ბოლო წლებში სულ უფრო და უფრო მოთხოვნადი ხდება, განსაკუთრებით, თუ საქმე საცხოვრებელ ბინებს ან კერძო სახლებს ეხება. ამ ტიპის კარი მტკიცე და მდგრადია ფიზიკური ზემოქმედების დროსაც.

არის ბიუჯეტური - ყველა სიკეთესთან ერთად, მდფ კარი ხის კართან შედარებით, ბევრად უფრო ბიუჯეტურია. იმ შემთხვევაში, თუ ლამაზი დიზაინის შექმნა ნაკლები ხარჯით გსურთ, ეს საუკეთესო გამოსავალია.
აქვს მრავალფეროვანი დიზაინი - მდფ კარები ადვილად იღებს სხვადასხვა ფორმას, არსებობს უამრავი ზედაპირის მქონე და განსხვავებული ფერის მოდელები, ამიტომ ხელმისაწვდომია როგორც კლასიკური, ისე თანამედროვე სტილის ვარიანტები. ამ კატეგორიაში, შეგიძლიათ შეარჩიოთკარი, რომელიც ზუსტად მოერგება თქვენს ინტერიერს.
არის ამტანი ტენიანობის მიმართ - იმ შემთხვევაში, თუ მდფ კარები სპეციალურადაა დამუშავებული, უკეთესად უძლებს ტენიანობას, ვიდრე ხე. ამიტომ შესაფერისია როგორც მისაღები და საძინებელი სივრცისთვის, ასევე სამზარეულოსთვის და ზოგჯერ აბაზანისთვისაც კი. ეს ყოველივე უკვე თქვენს გემოვნებასა და სურვილზეა დამოკიდებული.
მარტივია მოვლა - მდფ კარები არ საჭიროებს ისეთ რთულ მოვლას, როგორსაც მაგალითად, - ხე. მარტივად იწმინდება და ინარჩუნებს პირვანდელ იერს წლების განმავლობაში, თუ რა თქმა უნდა, მექანიკური ზემოქმედება ნაკლებია.
აქვს ხმის იზოლაცია - აღნიშნული მასალა საკმაოდ ეფექტურად აკავებს ხმას, რაც მრავალბინიან საცხოვრებელ ბინაში ან საოფისე ფართში საჭირო და აუცილებელია.

მდფ კარების ერთადერთი მინუსი ისაა, რომ როგორც სხვა ბუნებრივი მასალები, (მაგ: ხე), ჰაერს არ ატარებს, მარტივ ენაზე რომ ვთქვათ “ვერ სუნთქავს”. ამასთან ერთად, მისი დაზიანება უფრო მარტივია, რადგან შედარებით მარტივად იჩენს ნაკაწრებს. თუმცა, სწორი მოვლისა და შესაბამისი მოდელის ყიდვის შემთხვევაში, ეს ფაქტი ნამდვილად არ შეგაწუხებთ. თანაც, თუ გავითვალისწინებთ, რომ ხესთან შედარებით ფასი საკმაოდ დაბალია, ხარისხი კი საშუალოზე მაღალი, არჩევანის მდფ-ზე შეჩერება ნამდვილად მომგებიანი ხდება.

საერთო ჯამში, ხის კარები და მდფ კარები - ორივე საუკეთესო ვარიანტია კერძო სახლისთვის, საცხოვრებელი ბინისთვის თუ საოფისე ფართისთვის, თუმცა, განსხვავებული საჭიროებების დროს, თქვენით ლავირება და სიტუაციაზე მორგება შეგიძლიათ. ხის კარი გამოირჩევა ბუნებრივი სილამაზით, სიმტკიცითა და პრესტიჟით, ამიტომ იდეალურია, თუ გსურთ კლასიკური, მდიდრული ინტერიერი. მდფ კარი კი უფრო ბიუჯეტურია, მარტივად მოსავლელი, მრავალფეროვანი დიზაინითა და ტექსტურით, რაც მას ყველაზე პრაქტიკულსა და მოთხოვნადს ხდის ყოველდღიური გამოყენებისთვის.