რომელია იდეალური საღებავი და ფერთა კომბინაციები ინტერიერისთვის

საღებავი მართლაც გადამწყვეტ როლს ასრულებს რემონტში? ამ კითხვაზე პასუხი მარტივია: რაც უფრო პატარაა ბინა, მით უფრო რთულია კომფორტული, დასამახსოვრებელი და კრეატიული სივრცე შექმნათ, მეორე მხრივ კი - ბიუჯეტს მოუფრთხილდეთ. თუ თქვენ ახლა ფიქრობთ, როგორ შეგიძლიათ პატარა ოთახები ფუნქციონალურ და ელეგანტურ საცხოვრებელ ადგილად აქციოთ, სწორ ადგილას მოხვდით: გაგიზიარებთ ხრიკებს საღებავების შერჩევასა და ფერთა კომბინაციებზე, რომელიც საუკეთესო ატმოსფეროს
შექმნაში დაგეხმარებათ. მიუხედავად იმისა, რომ ფერთა პალიტრის შერჩევა ინდივიდუალური გადაწყვეტილებაა, არსებობს უამრავი ფერი და ფერთა კომბინაცია, რომელიც პატარა ოთახებს განსაკუთრებულ ხიბლს სძენს და აი, ისიც:

მყუდრო სივრცე მუქი და ინტენსიური ფერებით

პატარა სივრცეში, სადაც ბუნებრივი განათება შეზღუდულია, მუქი ტონები ხაზს უსვამს ოთახის ხასიათს და მეტად მყუდროს, ჰარმონიულს ხდის. დამჯდარი ნაცრისფერი, მიწისფერი და მუქი ლურჯი სწორედ ასეთი კომბინაციებია - სურვილისამებრ დაამატეთ ოქროსფერი კანტები და დეტალები.

მდიდრული ფერები საძინებლისთვის

როცა საქმე საძინებელს ეხება, ზომასთან ერთად, სწორი და მშვიდი ატმოსფეროს შექმნაც პრიორიტეტულია. ბორდოსფერი და მდიდრული იასამნისფერი ფერები თბილ, დახვეწილ გარემოს შეგიქმნით. შეგიძლიათ, გამოიყენოთ ლურჯი ფერის კედლები და ჭერი - ასე სივრცე შედარებით დიდი ჩანს.

მკვეთრი აქცენტები

მუქ ფერში გადაწყვეტილი ინტერიერი უფრო საინტერესო გახდება, თუ მკვეთრ დეტალებს დაამატებთ. მაგალითად, ნარინჯისფერი, მზისფერი ან ვეცრხლისფერი იდეალურია დეკორაციებისთვის. თუ გსურთ, სტუმრებს შემოსვლისთანავე ჰარმონიულობისა და აღტაცების შეგრძნება გაუჩნდეთ, აიღეთ დამჯდარი მწვანე ტონალობა და შეუხამეთ თბილ ყავისფერს. პატარა დერეფნისთვის კი შეარჩიეთ ღრმა და თბილი ოქროსფერი, რომელიც მზის შუქზე სახლს განსაკუთრებულ იერსახეს მიანიჭებს.

განსაკუთრებული კომბინაციები

შეღებეთ კედლები მონოქრომული მუქი ტონით (მაგ.ნაცრისფერი ან მუქი ყავისფერი) და შეუხამეთ ღია ფერის ავეჯს ან დეკორატიულ დეტალებს. კიდევ ერთი ხრიკი პატარა ოთახისთვის, გარდამავალი ტონებია. მაგალითად:ღია ცისფერი კედლები, ხოლო ჭერი - თეთრი; ღია ფერის ჭერი (მაგ: ნაცრისფერი ან ბეჟი) ხოლო კედლები მუქი, ღრმა ტონალობით;

მაინც, რომელია იდეალური საღებავი?

იდეალური საღებავი უნდა აკმაყოფილებდეს რამდენიმე საბაზისო კრიტერიუმს: პირველ რიგში, მნიშვნელოვანია ხანგრძლივობა და მდგრადობა. მთავარია, საღებავი წლების განმავლობაში ინარჩუნებდეს პირვანდელ ელფერს, იყოს უსაფრთხო და რაც შეიძლება მცირე დოზით შეიცავდეს მავნე ნივთიერებებს. ამას გარდა, საღებავის არჩევისას, უდიდესი მნიშვნელობა აქვს ფერთა მრავალფეროვნებას, მის ტექსტურას და გამოყენების სიმარტივეს.

მიუხედავად ამისა, როდესაც საქმე საღებავის შერჩევას ეხება, ბაზარზე არსებული პროდუქცია ხშირად გვაბნევს. სწორედ ამიტომ, საჭიროა ისეთ ბრენდებზე გავამახვილოთ ყურადღება, რომლებსაც წლობით ნაგროვები გამოცდილება და უთვალავი კმაყოფილი მომხმარებელი ჰყავს.

ერთ-ერთი ლიდერი და გამორჩეული ბრენდი, რომელიც საქართველოში დიდი პოპულარობით სარგებლობს, Betek-ია. ამ ბრენდის საღებავები არა მხოლოდ ხარისხით, არამედ მრავალფეროვნებითაც გამოირჩევა, რითაც სულ უფრო და უფრო მოთხოვნადი ხდება.

თურქული კომპანიის მთავარი უპირატესობა ისაა, რომ ნებისმიერ ადამიანს შეუძლია იპოვოს თავისი ინტერიერისთვის შესაფერისი ფერი, იქნება ეს მშვიდი ფერები, მაგ:ბეჟი, ღია ცისფერი, დამჯდარი ყვითელი ტონალობა საძინებლისთვის, ენერგიული მწვანე სამზარეულოსთვის თუ ელეგანტური ნაცრისფერი მისაღებისთვის. სწორედ ამიტომ, ბევრი მომხმარებელი Betek-ს პირველ რიგში არჩევს, როდესაც სახლში სიახლეებისა და განახლებული ატმოსფეროს შემოტანა სურს.

იხილეთ Betek-ის სრული ასორტიმენტი

რა უნდა ვქნათ იმისთვის, რომ საღებავმა დიდხანს შეინარჩუნოს ფერი

ხშირად გვგონია, რომ საღებავის ფერი და კონსისტენცია მთავარია საიმისოდ, რომ პირვანდელი იერსახე დიდხანს შეინარჩუნოს, თუმცა, რეალურად, შემდგომი მოვლა და გაფრთხილებაც არანაკლებ საჭიროა.

1. დაიცავით მზის სხივებისგან

თუ თქვენი კედლები მუდმივად მზის პირდაპირი სხივების ქვეშაა, დროთა განმავლობაში, ფერმა შესაძლოა დაკარგოს სიმკვეთრე და გახუნდეს. ამიტომ, გირჩევთ, გამოიყენოთ ფარდები ან ჟალუზები, რათა კედლებს ფერი დიდიხნით შეუნარჩუნდეს.

2. სწორად გაწმინდეთ ზედაპირი
არასდროს გამოიყენოთ უხეში ღრუბელი ან ძლიერი ქიმიური სარეცხი საშუალება, რადგან ეს ფერს და ტექსტურას აუცილებლად დააზიანებს. შეარჩიეთ რბილი ქსოვილი, დაასველეთ და კარგად გაწურეთ, დაიხმარეთ მსუბუქი სარეცხი ხსნარიც. ასე კედლები სისუფთავეს შეინარჩუნებს, საღებავი კი არც ფერს დაკარგავს, არც - დაზიანდება.

3. აკონტროლეთ ტენიანობა
ტენიან გარემოში საღებავი უფრო სწრაფად ზიანდება, შეიძლება ობიც კი გაჩნდეს. ამიტომ აუცილებელია, ოთახში ვენტილაცია აკონტროლოთ - განსაკუთრებით სამზარეულოსა და სააბაზანოში. გირჩევთ, სველ წერტილებში გამოიყენოთ ტენგამძლე საღებავები, რაც ზედმეტ პრობლემებსა და “თავის ტკივილს” აგარიდებთ.

4. მოაგვარეთ მცირე დაზიანებები დროულად
თუ კედელზე მექანიკური ზემოქმედებისგან, ან უბრალოდ დროსთან ერთად ნაკაწრები ან ლაქები გაჩნდა, ნუ გადადებთ მის შელამაზებას. სასურველია, თავიდანვე შეინახოთ საღებავის მცირე რაოდენობა, რომელსაც ანალოგიური დაფარვა და კონსისტენცია ექნება, რომ ზუსტად იმ ფერით შეძლოთ აღდგენა და მასა კედელზე გადატანისას არ აიჭრას.

5. გაასუფთავეთ რეგულარულად
მტვერი და ჭუჭყი დროთა განმავლობაში ფერს ახუნებს, ამიტომ პერიოდულად გაწმინდეთ კედლები მშრალი ქსოვილით ან მტვერსასრუტის სპეციალური, რბილი თავით, ასე კედელი სუფთა, ფერი კი უფრო ცოცხალი და ხასხასა დარჩება.