რემონტი კომპლექსური და ქაოტური პროცესია. თუმცა მეორე მხრივ ისეთიც, - ნებისმიერი ადამიანის განწყობას ათჯერ უფრო რომ აამაღლებს, ცხოვრებას სიხალისესა და სიახლეს შესძენს, თქვენს სახლს კი ხარისხიანი მასალებისა და ნივთების გულითადად შერჩევის შემთხვევაში, წლობით საუკეთესო ატმოსფეროსა და სიმყუდროვეს.
როცა საქმე ინტერიერს ეხება, მნიშვნელობა არამხოლოდ გემოვნებას აქვს, არამედ ხარისხსაც. სწორედ ამიტომ, მოდუსი ახალ ბრენდს “სინტრას” წარმოგიდგენთ. რომელსაც პრემიუმ ხარისხის შპალერის წარმოებასა და ექსპორტში 30 წელზე მეტი გამოცდილება აქვს, ქმნის დახვეწილი დიზაინისა და უმაღლესი ხარისხის პროდუქტს.
უფრო კონკრეტულად, „სინტრა“ უკრაინული კომპანიაა, რომელიც ევროპულ სტანდარტებს მკაცრად იცავს. ეს ნიშნავს, რომ პროდუქციის ყოველი ეტაპი - დიზაინის შექმნიდან საბოლოო შეფუთვამდე - სიზუსტითა და პასუხისმგებლობით მიმდინარეობს.
ბრენდის წარმოება თანამედროვე ტექნოლოგიებსა და მკაცრი ხარისხის კონტროლს ეფუძნება, სწორედ ამიტომ, „სინტრას“ შპალერი გამორჩეულია როგორც გამძლეობით, ისე დახვეწილი დიზაინითა და მრავალფეროვნებით.
მისი მრავალფეროვანი ასორტიმენტი საშუალებას გაძლევთ, შეარჩიოთ შპალერი, რომელიც იდეალურად მოერგება თქვენს სახლს და მას უნიკალურ ხასიათს შესძენს.
ინტერიერის განახლებისას, ბევრს სურს, რომ კედლები არამხოლოდ ლამაზი, არამედ პრაქტიკული და გრძელვადიანად გამოსადეგიც იყოს. სწორედ ამ მოთხოვნებს აკმაყოფილებს „სინტრას“ შესაღები შპალერები, რომლებიც თანამედროვე დიზაინის მოყვარულებისთვის იდეალური ვარიანტია.
სინტრას შესაღები შპალერის მთავარი უპირატესობა ის არის, რომ ფერს თავად ირჩევთ. ეს ნიშნავს, რომ კედლის გაფორმება ყოველთვის თქვენს განწყობასა და სტილს შეესაბამება. თუ რამდენიმე წლის შემდეგ გადაწყვეტთ ინტერიერის განახლებას, აღარ მოგიწევთ შპალერის გამოცვლა - ახალი ფერის გადატარება საკმარისი იქნება.
კიდევ ერთი უპირატესობა გამძლეობაა. ვინილის ზედაპირი იცავს შპალერს მექანიკური დაზიანებებისგან, ნაკაწრებისა და ტენიანობის ზემოქმედებისგან. ფლიზელინის ფუძე კი უზრუნველყოფს შპალერის სიმყარეს და ხდის მას ელასტიურს. ეს კომბინაცია გრძელვადიან ხარისხსა და კომფორტს უზრუნველყოფს.
გარდა ამისა, ფლიზელინის ბაზა შპალერის გაკვრას ბევრად ამარტივებს. მას არ სჭირდება ზედმეტი დრო და ენერგია, შეგიძლიათ, წებო პირდაპირ კედელზე წაუსვათ, შპალერი კი მარტივად მიაწებოთ. მეორე მხრივ,არც მისი მოხსნა წარმოადგენს პრობლემას: შპალერი მთლიანად ჩამოდის და ზედაპირზე არ ტოვებს ნაკვალევს ან ჭუჭყიან იერს.
„სინტრას“ შესაღებ შპალერებს აქვთ მიმზიდველი ტექსტურა. ისინი ფერის გადატარების შემდეგაც ინარჩუნებენ ელეგანტურობას და ბუნებრივობას. სწორედ ამიტომ, კედელი გაცილებით მდიდრულად და ხარისხიანად გამოიყურება, ვიდრე უბრალო, სტანდარტული საღებავის შემთხვევაში.
ქართული 
Русский
English
