რა ტიპის შპალერი არსებობს და რომელია საუკეთესო ვარიანტი ჩვენთვის

შპალერი ნებისმიერი სივრცის რემონტისას ან განახლებისას, დიდი ხანია, წამყვან როლს ასრულებს. დღევანდელი ბაზარი მომხმარებლებს უამრავ არჩევანს სთავაზობს: დაწყებული ფერით, სტრუქტურითა და დიზაინით, დამთავრებული ფუნქციურობითა და ხარისხით. ეს ცხადია, ზოგჯერ არჩევანის გაკეთებას ართულებს. ამ ბლოგში დაგეხმარებით განსაზღვროთ, რა სახის შპალერებია თანამედროვე ბაზარზე და რომელი მათგანია ყველაზე მიზანშეწონილი კონკრეტული საჭიროებებისთვის.

ქაღალდის შპალერი - ეკონომიური და პრაქტიკული

ამ ტიპის შპალერი ყველაზე ხელმისაწვდომ კატეგორიას განეკუთვნება. მისი ისტორია ჯერ კიდევ XVIII საუკუნის ჩინეთიდან მოდის, მასობრივი წარმოება კი ინგლისში დაიწყო. ქაღალდის შპალერი იდეალურია მათთვის, ვისაც ხშირად უყვარს ინტერიერის განახლება.

ამ კატეგორიაში ორ ძირითად ტიპს გამოარჩევენ: ე.წ ერთშრიან სიმპლექსს და უფრო გამძლე ორშრიან დუპლექსს. ამ მასალის მთავარი უპირატესობებია ბიუჯეტურობა, ფერებისა და დიზაინის ფართო არჩევანი და ეკოლოგიური უსაფრთხოება. მნიშვნელოვანია ის ფაქტიც, რომ ქაღალდის შპალერი "სუნთქავს", ანუ ჩვენს ენაზე, კარგად ატარებს ჰაერს, რაც მის თავისუფალ ცირკულაციას უწყობს ხელს და ობისა და სოკოს წარმოქმნის რისკს ამცირებს.

ახლა კი მის უარყოფით მხარეებზეც ვისაუბროთ. ქაღალდის შპალერი ნაკლებად გამძლეა ვიდრე სხვა კატეგორიის მოდელები, ამიტომ თუ ხანგრძლივად მის გამოყენებას ფიქრობთ და მალ-მალე არ ანახლებთ ინტერიერს, ჯობს, არჩევანი სხვა კატეგორიაზე შეაჩეროთ. ამას გარდა, ულტრაიისფერი სხივების ზემოქმედების შედეგად ფერი მარტივად ხუნდება და თან, არ არის გამძლე და ამტანი წყლის მიმართ. ქაღალდის შპალერის წმენდა შესაძლებელია მხოლოდ მშრალი მეთოდით - ფაფუკი საწმენდით ან მტვერსასრუტით. მისი გამოყენება რეკომენდებულია მხოლოდ მშრალ ოთახებში: საძინებელში, სასტუმრო ოთახსა და კაბინეტში.

ფლიზელინის შპალერი - იდეალური ხანგრძლივი გამოყენებისთვის

ფლიზელინს, როგორც ცალკეულ ნივთიერებას ახასიათებს სიმსუბუქე, გამძლეობადაბიუჯეტურობა. მისგან დამზადებული შპალერი იდეალური გამოსავალია, თუკი ხანგრძლივი მოხმარება და სიმტკიცის შენარჩუნება გსურთ. როგორც წესი, ამ ტიპის შპალერი კი 70% ქაღალდისგან, 30% კი შემკვრელი კომპონენტისგან შედგება. ეს კომბინაციამტკიცემასალასქმნის, რომელიცფლიზელინისბუნებრივითვისებების (ზამთარში სითბოს შენარჩუნება, ხმის იზოლაცია, ჰაერის კარგი ცირკულაცია და ტენმედეგობა) გამოხატულებაა.

აღსანიშნავია ის ფაქტიც, რომ ფლიზელინის შპალერი მარტივად შეღებვადიდარეცხვადია.

ვინილის შპალერი - მდგრადი, ნესტგამძლე და ხარისხიანი

ვინილი სინთეზური პოლიმერია, რომელიც წყალბადის, ნახშირბადისა და ქლორისგან შედგება. ეს მასალა გამოირჩევა მაღალი მდგრადობით, ნესტგამძლეობით და ქიმიური ზემოქმედების ამტანობით.

ვინილის შპალერი ორშრიანი კონსტრუქციისაა: ქაღალდის ან ფლიზელინის ფუძით და ვინილის საფარით. ეს არის საუკეთესო ვარიანტი, რომლის გამოყენებაც სველ წერტილებში, მაგალითად სამზარეულოში და სააბაზანო ოთახშია შესაძლებელი.

აქვს მდგრადი ფერი, არ ხუნდება მარტივად, ირეცხება, არის ნესტგამძლე და დღეს ბაზარზე მრავალფეროვანი ასორტიმენტის წყალობით, ნებისმიერ ფორმასა და ფერში შეძენაა შესაძლებელი. ყველა სიკეთესთან ერთად, ვინილის შპალერით სხვადასხვა მასალის იმიტირებაა შესაძლებელი. მაგალითად, ხის, ქვის, ან სულაც, ბეტონის.

რაც შეეხება უარყოფით მხარეებს: უჭირს ჰაერის ცირკულაცია, აქვს საკმაოდ მაღალი ფასი და თანაც, მისი გაკვრა ისეთივე მარტივი არაა, როგორიც სხვა მოდელების, ამიტომ თუ არჩევანს ამ ტიპის შპალერზე შეაჩერებთ, გაითვალისწინეთ, რომ სპეციალისტი ან მცოდნე ადამიანი დაგჭირდებათ.

შესაღები შპალერი

შპალერის ეს ტიპი კრეატიული ადამიანებისთვისაა გათვლილი, რომლებსაც მხატვრული ჩანაფიქრების განხორციელება უყვართ. შესაღები შპალერი როგორც წესი, თეთრი ფერით ფლიზელინის საფუძველზე მზადდება რამდენჯერმე შეღებვის საშუალებას იძლევა.

რელიეფური თუ გლუვი ზედაპირის მქონე მოდელები საშუალებას მოგცემთ, თქვენს გემოზე მოარგოთ ნებისმიერ სიტუაციას. მათი შეღებვა შესაძლებელია გაკვრიდან 1-2 დღეში, წებოს სრული გაშრობის შემდეგ.

თხევადი შპალერი

თხევადი შპალერი მშრალი სახით იყიდება, რომელიც წყალში გაზავების შემდეგ შპატელით უნდა დაიტანოს კედლებზე. ამ შემთხვევაშიც, ფერთა ფართო სპექტრი და დამოუკიდებლად გაკეთების შესაძლებლობა მას კიდევ უფრო მომთხოვნს და სასურველს ხდის.

როგორ ავირჩიოთ ჩვენთვის შესაფერისი შპალერი?

შპალერის შერჩევა რამდენიმე მნიშვნელოვან ფაქტორზეა დამოკიდებული. განვიხილოთ დეტალურად:

ოთახისა და ფუნქციურობის მიხედვით

საძინებელი და სასტუმრო ოთახი - ამ შემთხვევაში შესანიშნავი არჩევანია ქაღალდის ან ფლიზელინის შპალერი. ისინი უზრუნველყოფენ ბუნებრივ "სუნთქვას" და არ გამოყოფენ მავნე ნივთიერებებს.
სამზარეულო - აქ მთავარი მოთხოვნები ნესტგამძლეობა და მარტივად წმენდაა. მაღალი ტენიანობის, ცხიმის, ორთქლისა და ტემპერატურული ცვლილებების გამო, ერთადერთი მისაღები ვარიანტია რეცხვადი ვინილის შპალერი. მისი გამოყენება ხელს უწყობს ჰიგიენის დაცვას და სისუფთავეს
სააბაზანო ოთახი - ამ შემთხვევაშიც, რახან სველ წერტილზე ვსაუბრობთ, აუცილებელია, ვინილის შპალერი გამოვიყენოთ, რომელიც ტენმედეგია და ასეთი სივრცეებისთვის უსაფრთხო.
ბავშვის ოთახი - თუ ოჯახში პატარა ბავშვი უმჯობესია ეკოლოგიურად სუფთა მასალები გამოიყენოთ. ფლიზელინის შპალერი იდეალური არჩევანია, თუმცა ისიც უნდა გავითვალისწინოთ, რომ ბავშვები ხშირად აფუჭებენ, კაწრავენ ან ხატავენ კედელზე. შესაბამისად, შესაღები შპალერიც კარგი ვარიანტია - როცა დაბინძურდება, მარტივად გადაღებავთ.

ბიუჯეტის მიხედვით

შეზღუდული ბიუჯეტი - ქაღალდის შპალერი ყველაზე ეკონომიური ვარიანტია. იგი შესაფერისია მათთვის, ვინც ხშირად ცვლის ინტერიერს ან ყველაზე ბიუჯეტურ ვარიანტს ეძებს.
საშუალო ბიუჯეტი - მიუხედავად იმისა, რომ ქაღალდის შპალერზე ოდნავ ძვირი ღირს, ხანგრძლივი მომსახურების ვადისა და კარგი მახასიათებლების გამო, ეს არჩევანი ხშირად ყველაზე რაციონალურია.
მაღალი ბიუჯეტი - ვინილის შპალერი, მიუხედავად მაღალი ფასისა, გრძელვადიან პერსპექტივაში ყველაზე მომგებიანია. 10-15 წლის მომსახურების ვადა და მინიმალური მოვლის საჭიროება მას ერთ-ერთ ყველაზე კარგ გადაწყვეტილებად აქცევს.

საბოლოო ჯამში, შპალერის სწორი შერჩევა კომპლექსური პროცესია, რომელიც მრავალი ფაქტორის გათვალისწინებას საჭიროებს. პირველ რიგში, უნდა განისაზღვროს ის ძირითადი მოთხოვნები, რომლებიც კონკრეტულ ოთახში შპალერმა უნდა დააკმაყოფილოს.

ეკონომიური თვალსაზრისით, მნიშვნელოვანია არა მხოლოდ საწყისი ღირებულების, არამედ გრძელვადიანი ხარჯების გათვალისწინებაც. მაგალითად, ქაღალდის შპალერი ყველაზე ხელმისაწვდომ ვარიანტად ითვლება, თუმცა მისი ხშირი შეცვლის საჭიროება საბოლოო ჯამში შეიძლება უფრო ძვირი დაგიჯდეთ, ვიდრე ერთხელ ვინილის ან ფლიზელინის შპალერის შეძენა დაგიჯდებოდათ.