გსურთ ახალი ტანსაცმლის საკიდის შერჩევა და არ იცით, რომელი შეიძინოთ?

ტანსაცმლის საკიდს მხოლოდ ერთი მნიშვნელობა და ფუნქცია, ცხადია, არ გააჩნია. მისი გამოყენება შეგიძლიათ როგორც ინტერიერის დიზაინში სიახლეების შესატანად, ასევე ტანსაცმლის შესანახად და სივრცის მოსაწესრიგებლად. ამ ბლოგში გაგიზიარებთ ყველა რჩევას, რომელიც სწორი ტანსცმლის საკიდის შერჩევასა და მის განთავსებაში დაგეხმარებათ.

ტანსაცმლის საკიდი, როგორც კონცეფცია, ჯერ კიდევ მე-19 საუკუნით თარიღდება, თუმცა მაშინდელსა და დღევანდელის ვიზუალს შორის, სხვაობა დიდია.

ტანსაცმლის საკიდის ძირითადი ტიპები

ხის საკიდები - პრემიუმ კლასის არჩევანი

ხელოვნურად დამზადებული ხის საკიდები ყველაზე ღირებული და ხანგრძლივივარიანტია ბაზარზე. ისინი იდეალურია მძიმე ტანსაცმლისთვის, ორეულებისთვის და ძვირადღირებული მატერიისთვის. ხარისხიანმა ხის საკიდებმა შეიძლება წლობით გაგიძლოთ, თანაც ვიზუალურად ნებისმიერ ინტერიერს მეტად დახვეწილს და ლამაზს გახდის. კიდევ ერთი უპირატესობა ისაა, რომ ხის საკიდების განიერი სამხრეები კოსტიუმებს და ქურთუკებს ბუნებრივ ფორმას უნარჩუნებს.

რაც შეეხება ნაკლოვანებებს, ხის საკიდები პლასტმასზე ბევრად უფრო ძვირი ღირს, თანაც უფრო მძიმეა და გარდერობშიც მეტ ადგილს იკავებს. პერიოდულად საჭიროებს მოვლას და გასუფთავებას. თუ ამ ტიპის საკიდები მოგწონთ, კედარი ბუნებრივი ანტისეპტიკური თვისებებით გამოირჩევა, წიფელს მაღალი გამძლეობა და ელეგანტური ვიდი აქვს, ბამბუკი კი ეკოლოგიურად სუფთა და ასევე გამძლეა.

პლასტმასის საკიდები - ხელმისაწვდომი ვარიანტი

პლასტმასის საკიდები ყველაზე მრავალფეროვანი და ხელმისაწვდომი ვარიანტია.

სხვა მასალებთან შედარებით, იაფი ვარიანტია, არ ტვირთავს გარდერობს, დღეს ბაზარზე ათასობით ფერს და დიზაინს შეხვდებით, თანაც, ტენმედეგია, სუფთავდება მარტივად წყლითა და მსუბუქი ქსოვილით.

უნდა ვისაუბროთ ნაკლზეც: შესაძლოა, მარტივად გატყდეს ან დროთა განმავლობაში პირვანდელი სახე დაკარგოს. თუ შევადარებთ ბამბუკისგან დამზადებულ საკიდებს, ვიზუალურადაც ბევრად უფრო მიმზიდველია, ვიდრე ხის ტანსაცმლის საკიდები. მიუხედავად ამისა, თუ თქვენთვის ბიუჯეტი უფრო მნიშვნელოვანია, ჯობს არჩევანი პლასტმასის საკიდებზე შეაჩეროთ.

როგორი საკიდები არსებობს და რომელი რისთვისაა?

• სტანდარტული: ყოველდღიური ტანსაცმლისთვის;
• ველვეტისსაკიდები: სრიალა ტანსაცმლისთვის, როგორიცაა აბრეშუმის კაბები ან ორეულები;
• სპეციალური კბილების მქონე: შორტებისა და ქვედაბოლოებისთვის
• ღია ტიპის: სწრაფი გამოშრობისთვის

ლითონის საკიდები (მავთული) - კომპაქტური არჩევანი თქვენი სივრცისთვის

მავთულის საკიდები პატარა გარდერობისთვის იდეალურია, რადგან ყველზე მცირე ადგილს იკავებს, გარდა ამისა, რაც არ უნდა გასაკვირი იყოს, პლასტმასზე იაფიც კია. არ ტვირთავს სივრცეს ვიზუალურად. მართალია, ვერ გამოიყენებთ მძიმე ტანსაცმელებისთვის და ორეულებისთვის, მაგრამ თხელი საზაფხულო კაბებისა და შარვლებისთვის იდეალური ვარიანტია.

დაიმახსოვრეთ, რომ კოსტუმებსა და მძიმე ორეულებს სპეციალური მიდგომა და ყურადღებით შერჩეული საკიდი სჭირდება. ამ დროს, ტანსაცმლის საკიდი უნდა ეხამებოდეს კოსტიუმის მხრების სიგანეს, გარდა ამისა, უნდა ჰქონდეს მაგარი კონსტრუქცია, რომ გაუძლოს პიჯაკის წონას, ასევე, უნდა ჰქონდეს ისეთი ზედაპირი, რომელიც ტანსაცმლის სრიალს თავიდან აგარიდებთ.სასურველია ფორმა, რომელიც ასახავს ადამიანის მხრების ბუნებრივ მოხაზულობას.

როგორ მოვუაროთ ტანსაცმელს და შევურჩიოთ სწორი საკიდები

ძვირფასი ტანსაცმლის მოვლა:

• გამოიყენეთ მხოლოდ ნაჭრის დაფარული ან ხის საკიდები;
• თავიდან აიცილეთ პირდაპირი შეხება ლითონის ნაწილებთან;

იმ შემთხვევაში, თუ სეზონების მიხედვით ტანსაცმლის გადალაგება და შენახვა გსურთ:

• გამოიყენეთ საფარი მტვრის ნაწილაკებისგან დასაცავად;
• ღია სივრცეში შეინახეთ ზამთრის ტანსაცმელი;
• პერიოდულად ჰაერზე გაიტანეთ და დაფერთხეთ, რათა ზედაპირები მტვრისგან გაიწმინდოს;

საკიდების ფერის შერჩევა მხოლოდ ესთეტიკურად სივრცის მოწყობის წინაპირობა არ არის, არამედ, ინტერიერის დიზაინის მნიშვნელოვანი ნაწილი, რომელიც ქმნის ჰარმონიას თქვენს საცხოვრებელ ზონაში. ყოველი ფერი და ყოველი სტილი თავისებურ ატმოსფეროს ქმნის, ხოლო სწორად შერჩეული საკიდები ამ ატმოსფეროს შემავსებელ ელემენტად იქცევა.

განსაზღვრეთ ინტერიერის სტილი

პირველ რიგში, მნიშვნელოვანია განსაზღვროთ თქვენი სახლის ინტერიერი.

• მინიმალიზმი: ნეიტრალური ფერები -თეთრი, ნაცრისფერი, შავი, კრემისფერი. ამ შემთხვევაში, საკიდის ფერიც უნდა იყოს მარტივი და ბუნებრივი, მაგალითად, ბეჟი ან თეთრი.
• სკანდინავიური სტილი: აქ დომინირებს ხის ტექსტურები, თეთრი და პასტელური ფერები. საუკეთესო იქნება, თუ საკიდს აარჩევთ ხის ბუნებრივ, თბილ ტონებში ან თეთრი ორნამენტების მქონე ვარიანტებს.
• კლასიკური სტილი: ჭარბობს ელეგანტურობა და გამორჩეული დეტალები. ოქროსფერი, ბრინჯაოს ან სოლიდური მუქი ფერები იქნება იდეალური.
• ბოჰო სტილი: უხდება ცოცხალი ფერები.

გაითვალისწინეთ ოთახის ფერები

საკიდის ფერი უნდა შეესაბამებოდეს ოთახის ძირითადი ფერის პალიტრას:

თუ ოთახი ღია და ნეიტრალურია, შეგიძლიათ ცოცხალი ფერის საკიდი აირჩიოთ, რომელიც სივრცეში კონტრასტს შექმნის.

მოერიდეთ ზედმეტ კონტრასტს

თუ ოთახის ფერები მუქი და დატვირთულია, ძალიან ღია ფერის საკიდმა შესაძლოა, არათანაბარი ვიზუალური ეფექტი გამოიწვიოს.

სცადეთ კონტრასტული აქცენტითუმცა არ გამოიყენოთ ექსპერიმენტები

ბევრი დიზაინერი დღეს ცოცხალ, კონტრასტულ ფერებს ირჩევს, რათა საკიდი იყოს არა მხოლოდ ფუნქციური, არამედ დეკორაცია. მაგალითად, თეთრ ოთახში შავი, ვარდისფერი, ლურჯი ან სულაც, ხელით მოხატული ტანსაცმლის საკიდი. ეს ყველაფერი უკვე თქვენს გემოვნებაზეა დამოკიდებული.