რატომ არ უნდა შევიძინოთ იაფფასიანი მატრასი?

მატრასი ჩვენი ყოველდღიური ცხოვრებისთვის, ძილის ხარისხისა და ხანგრძლივობის გაუმჯობესებისთვის აუცილებელი ატრიბუტია. ძილის ხანგრძლივობა და ხარისხი კი თავის მხრივ, პირდაპირ კავშირშია ჩვენს ჯანმრთელობასთან, ენერგიასთან და განწყობასთან. მიუხედავად იმისა, რომ პრემიუმ ხარისხის მატრასები ძვირი სიამოვნებაა და ბიუჯეტური მატრასები ხანდახან იდეალურ გამოსავლად გვევლინება, ბევრი უარყოფითი შედეგიც აქვს, რასაც ამ ბლოგში გაგიზიარებთ.

რატომაა იაფფასიანი მატრასები ჯანმრთელობისთვის საშიში

წელისა და ზურგის ტკივილი

იაფფასიანი მატრასები, როგორც წესი, დაბალი ხარისხის მასალისგან მზადდება, რომელიც ძილისთვის არაკომფორტულია. ხანდახან პირველივე თვეებში და ზოგჯერ წლებთან ერთად, ასეთი უხარისხო მატრასი კარგავს ფორმას და ვერ ინარჩუნებს სწორ პოზიციას. შედეგად კი ქრონიკული ზურგისადა წელის ტკივილი შეიძლება გამოიწვიოს.

ალერგია

დაბალი ხარისხის მასალები უხარისხოსა და არაკომფორტულთან ერთად, ნაკლებად ჰიგიენურია. როგორც წესი, შეიცავს ქიმიკატებს, რომლებიც ალერგიულ რეაქციებს იწვევს, განსაკუთრებით საშიშია მაშინ, თუ ისედაც ალერგიული ხართ. შესაძლოა, კანი გაგიღიზიანოთ, დაგეწყოთ ხველა ან სუნთქვის პრობლემები. მატრასის შიგნით ნესტი და მტვერი კი აჩენს მტვრის ტკიპებს, რაც დამატებით საფრთხეს უქმნის ალერგიით ან ასთმით დაავადებულ ადამიანებს.

არასაკმარისი ძილი

როცა მატრასი სხეულის ფორმას ვერ ერგება, ძილის დროს, კომფორტის ძიებისას პოზებს ხშირად იცვლით და მოუსვენრად ხართ, გამოუძინებელი რჩებით, რაც დღის განმავლობაში თავს მოდუნებულად და დაღლილად გაგრძნობინებთ. გარდა ამისა, იაფფასიანი მატრასები ხშირად მზადდება სინთეზური მასალისგან, რომელიც სხეულს სუნთქვის საშუალებას არ აძლევს.

მატრასის ხშირად შეცვლის საჭიროება

მატრასის სიცოცხლის ხანგრძლივობა პირდაპირ კავშირშია მის ხარისხთან. იაფფასიანი მატრასები ბევრად უფრო მალე კარგავენ ფორმას და ჭუჭყიანდებიან, მარტივად იხევა შიდა ფენებიც, რაც ძილს კიდევ უფრო ართულებს.

საბოლოოდ, შესაძლოა ითქვას, რომ ბიუჯეტური მატრასების ხშირი შეცვლის საჭიროება საბოლოოდ ბევრად უფრო ძვირი დაგიჯდებათ, ვიდრე ერთი ხარისხიანი მატრასის შეძენა, რომელიც 8-10 წელიწადს სათანადო მოვლის პირობებში უპრობლემოდ გაძლებს.

რა გავლენა შესაძლოა იქონიოს მენტალურ ჯანმრთელობაზე

გათენებული ღამეები უხარისხო ძილი, დროთა განმავლობაში მენტალურ გადაღლას იწვევს. ადამიანი ნაკლებად პროდუქტიული, გაღიზიანებული და ემოციურად გაუწონასწორებელი ხდება. მაღალი ხარისხის მატრასმა კი შესაძლოა, დიდი წვლილი შეიტანოს სტრესის შემცირებაში, ენერგიის აღდგენასა და დღის უკეთ დაწყებაში.

დაბალი ხარისხის მატრასების უმეტესობა დამზადებულია მასალისგან, რომელიც არ არის გადამუშავებადი და მისი გარემოში მოხვედრა შესაძლოა, მავნებელიციყოს. გარდა ამისა, ხშირი შეცვლა ნიშნავს მეტ ნარჩენს, ამიტომ, თუ გარემოზე ზრუნავთ და ეკოლოგიურად სუფთა ხარისხის მასალები თქვენთვის მნიშვნელოვანია, ეს დეტალი აუცილებლად უნდა გაითვალისწინოთ.

როგორ შევარჩიოთ მატრასის ზომა?

რა ზომის მატრასები არსებობს და რომელია მათგან ყველაზე გავრცელებული:

Single (ერთადგილიანი) - 90x190 სმ - იდეალურია ბავშვებისთვის ან მოზარდებისთვის. ასევე კარგი არჩევანია მცირე სივრცისთვის.
Double (ორმაგი / სტანდარტული) -135x190 სმ - დროებით გამოდგება ორი ადამიანისთვის, თუმცა საერთო ჯამში, არც ისე ფართოა
Queen (ქუინი) - 150x200 სმ - დაცულია ბალანსი სიგრძესა და სიგანეს შორის, გამოდგება წყვილებისთვის
King (ქინგი) - 180x200 სმ - მაქსიმალური კომფორტი ორ ადამიანზე. შესაფერისია მათთვის, ვისაც უყვარს სივრცე ან სჭირდება დამატებითი ადგილი მაგალითად, შინაური ცხოველისთვის
Super King - 200x200 სმ - პრემიუმ კლასის ზომა - განკუთვნილია დიდი საძინებლებისთვის და მათთვის, ვისაც სურს მაქსიმალური კომფორტი.

იმისთვის, რომ თქვენი საძინებლისთვის იდეალური ვარიანტი შეარჩიოთ,

შეაფასეთ თქვენი საძინებელი ოთახის ფართობი -რაც უფრო პატარაა ოთახი, მით უფრო კომპაქტური ზომა დაგჭირდებათ.
გაითვალისწინეთ, რამდენ ადამიანზე უნდა იყოს გათვლილი
თუ ძილის დროს ბევრს მოძრაობთ, ხშირად მოუსვენრად ხართ ან ტრიალებთ, მეტი სივრცე დაგჭირდებათ
თუ ბავშვები გყავთ, რომელთაც თქვენთან ძილი უყვართ, ასეთ შემთხვევებში ქინგი ან სუპერ ქინგი მატრასი იდეალური არჩევანია თქვენთვის
შეამოწმეთ მატრასის და საწოლის ჩარჩოს თავსებადობა - თუ უკვე გაქვთ საწოლის ჩარჩო, მატრასი ზუსტად უნდა მოერგოს მას.

როგორ შევამოწმოთ, შეესაბამება თუ არა მატრასი ჩვენს საჭიროებებს?

ზომის შერჩევის გარდა, მნიშვნელოვანია დარწმუნდეთ, რომ მატრასი პრაქტიკულად და ფუნქციურადაც ერგება თქვენს საჭიროებებსა და მოთხოვნებს. ამის გაგების რამდენიმე ხერხი არსებობს: პირველ რიგში, მოერიდეთ მატრასის ონლაინ შეძენას, თუ წინასწარ არ გაქვთ ნანახი. მაღაზიაში შოპინგის დროს, სცადეთ რამდენიმე წუთით დაჯდომა ან დაწოლა მატრასზე, დააკვირდით, როგორ რეაგირებს თქვენი სხელი. აირჩიეთ ისეთი ბრენდები, რომლებიც სატესტო პერიოდს და გარანტიას გთავაზობენ. ასევე, გაითვალისწინეთ თქვენი სხეულის წონა და ძილის პოზიცია. დაიმახსოვრეთ, რომ გაიგოთ შესაბამისი ინფორმაცია ან ჰკიითხოთ კონსულტანტს მასალებზე, თუ რითაა დამზადებული. თითოეული მათგანი განსხვავებულ კომფორტს, ძილის ხარისხსა და მახასიათებლებს სთავაზობს მომხმარებელს. ამიტომ, სანამ გადაწყვეტილებას მიიღებთ, რამდენიმე სხვადასხვა ბრენდსა და პირობებს გაეცანით.