როგორ შევარჩიოთ ჭერი: რჩევები იდეალური განათების შესარჩევად

ჭერი ნებისმიერი სივრცისთვის ერთ-ერთი ყველაზე მნიშვნელოვანი ელემენტია. სწორად შერჩეული განათება ინტერიერის სტილსაც განსაზღვრავს და სახლში განსაკუთრებულ ატმოსფეროსაც შეგიქმნით.

რა უნდა გავითვალისწინოთ ჭერის შერჩევისას

ღია ფართობი და ოთახის ტიპი

პირველ რიგში, უნდა განისაზღვროს ოთახის ფართობი და დანიშნულება. მცირე ფართობის მქონე ოთახებისთვის შესაფერისია კომპაქტური, მინიმალისტური ჭერის სანათები, რომლებიც ვიზუალურად სივრცეს არ დატვირთავს. იქ, სადაც შედარებით დიდი ადგილია, შესაძლოა, მასიური საკიდები ან რამდენიმე სანათის კომბინაცია გამოვიყენოთ.

ყველა სხვა ოთახისგან განსხვავებით, საძინებელში მშვიდი და რბილი განათებაა საჭირო, ხოლო სამზარეულოში - ძლიერი და ფუნქციური. მისაღებში და სტუმრებისთვის განკუთვნილ სივრცეში შეგიძლიათ ორივე ტიპის განათება დაამონტაჟოთ და სიტუაციების მიხედვით თავად დაარეგულიროთ, იმ მომენტისთვის ძლიერი გსურთ თუ მეტად მშვიდი.

სტილისა და დიზაინის შერჩევა

ჭერის განათება ჰარმონიაში უნდა იყოს ინტერიერის ზოგად სტილთან. თანამედროვე მინიმალისტური ინტერიერისთვის შესაფერისია გეომეტრიული ფორმების, ლითონის ან მინის მასალებისგან დამზადებული სანათები. კლასიკური სტილის ოთახებში კი უფრო ხშირად გამოიყენება კრისტალებით მორთული ჭერი, ბრინჯაოს ან რუხი რკინის ელემენტებით.თუ ეკოლოგიურად სუფთა მასალისგან დამზადებულ ჭერს ეძებთ, იდეალურია ხის ან სხვა ბუნებრივი მასალებისგან დამზადებული სანათები.

ტექნიკური მახასიათებლების გათვალისწინება

განათების შერჩევისას მნიშვნელოვანია ჭერის ზომების სწორად განსაზღვრა.

წინასწარ განსაზღვრეთ და გამოითვალეთ ოთახის სიგრძისა და სიგანის ჯამი - მაგალითად, 4x5 მეტრიანი ოთახისთვის შესაფერისია 90 სმ დიამეტრის ჭერი.

იმ შემთხვევაში, თუ საცხოვრებელი ბინა ან ფართი მაღალჭერიანია, შესაძლოა გამოვიყენოთ ჩამოკიდებული განათებები, ხოლო დაბალი ჭერისთვის უკეთესია პანელური განათება. პანელური განათების გამოყენება შესაძლებელია, როგორც შიდა ასევე გარე სივრცეში. დღეს განსაკუთრებით აქტიურად იყენებენ ოფისებში, კაბინეტებში და სხვ.

განათების სიმძლავრე და ენერგოეფექტურობა

თანამედროვე სტანდარტებით, ერთ კვადრატულ მეტრზე, საშუალოდ 15-20 ვატი LED განათებაა საჭირო. ეს ნიშნავს, რომ 20 კვადრატული მეტრის ოთახისთვის ჯამში საჭიროა 300-400 ვატი განათება.

LED ტექნოლოგია ამჟამად ყველაზე ეფექტური არჩევანია როგორც დიზაინის, ასევე ენერგოეფექტურობის თვალსაზრისით. მათი მოხმარება დიდი ხნის განმავლობაში შეგიძლიათ, თანაც უსაფრთხო და მარტივად მოსახმარია.

როგორ შევარჩიოთ განათების ტიპი

სინათლის ტემპერატურა კელვინებში იზომება. თბილი სინათლე (2700-3000K) იდეალურია საძინებლისა და ისეთი სივრცისთვის, სადაც მყუდრო ატმოსფეროს შექმნა გსურთ.

ცივი სინათლე (4000-6500K) კი შესაფერისია სამზარეულოს, სააბაზანოსა და სამუშაო ოთახებისთვის, სადაც კონცენტრაცია და ენერგიულობაა საჭირო.

დიმერები საშუალებას გაძლევთ, დაარეგულიროთ განათების ინტენსივობას დროისა და თქვენივე საჭიროების მიხედვით.

როგორ დავგეგმოთ ბიუჯეტი

ჭერის ღირებულება უამრავი ფაქტორით განისაზღვრება. ბიუჯეტური ვარიანტები 50-150 ლარიდან იწყება და ძირითადად მარტივი ლითონის მასალებისგანაა დამზადებული. საშუალო დონის სანათები 200-500 ლარს ღირს და უკეთესი ხარისხის მასალებითაა შექმნილი. პრემიუმ განათება კი 1000 ლარი და მეტიც შესაძლოა ღირდეს.

მნიშვნელოვანია, გაითვალისწინოთ არამხოლოდ თავდაპირველი ღირებულება, არამედ ხარისხი, გარანტია და გრძელვადიანი ხარჯებიც. LED სანათები პირველ ეტაზე ძვირია, მაგრამ გრძელვადიან პერსპექტივაში მიხვდებით, რომ სწორი არჩევანი გააკეთეთ. გარდა ამისა, LED განათების სიცოცხლის ხანგრძლივობა საშუალოდ 10-15 წელია, ხოლო ჩვეულებრივი ნათურები ათჯერ უფრო ხშირად უნდა შეიცვალოს.

გავუფრთხილდეთ განათებას - რეკომენდაციები

ჭერის სანათები რეგულარულ მოვლას საჭიროებს, რათა ეფექტურობა შეუნარჩუნდეს. მტვერი და ჭუჭყი მნიშვნელოვნად ამცირებს სინათლის ძალას - ზოგჯერ 30%-მდეც კი. რბილი, მშრალი ქსოვილით ან სპეციალური ხნსარით, თვეში ერთხელ წმენდა საკმარისი იქნება.

კრისტალის ჭაღს უფრო რთული მოვლა ესაჭიროება. ცალკეული კრისტალები უნდა მოიხსნას და სპეციალური ხსნარით გაიწმინდოს. ხის ელემენტების წმენდა კი მშრალი ქსოვილით საკმარისია.

სად ვიყიდოთ პრემიუმ ხარისხის ჭერი ბიუჯეტურად?

თუ შენაძენის გაკეთებას ონლაინ აპირებთ, ყოველთვის გადაამოწმეთ შეფასებები, მომხმარებლის მიმოხილვები და გამოხმაურებები კონკრეტულ ადგილზე, ბრენდზე და მომსახურებაზე.

არ დაგავიწყდეთ, რომ თანამედროვე ჭერის განათება სმარტ ფუნქციებით არის აღჭურვილი. Wi-Fi კავშირით შეგიძლიათ კონტროლი გაუწიოთ სმარტფონიდან, დააყენოთ ტაიმერები და შეცვალოთ ფერები. ეს განსაკუთრებით მოსახერხებელია მაშინ, როცა სახლში არ ხართ, სინათლის გამორთვა კი დაგავიწყდათ.

ღია სენსორები ავტომატურად რეაგირებს ბუნებრივ სინათლეზე და წყვეტს ხელოვნური განათების ინტენსივობას. ეს კიდევ უფრო ზოგავს ენერგიას და ამცირებს თქვენს ხარჯებს.

როგორ შევქმნათ სხვადასხვა ტიპის კომბინაცია

ჭერის განათება არ უნდა იყოს ოთახის ერთადერთი სინათლის წყარო. მისი კომბინირება სხვა სახის განათებთან - რომლებზეც ზემოთ უკვე ვილაპარაკეთ, მაგალითად ჭაღთან და ლედ განათებებთან, საჭირო და აუცილებელიც კია, რათა უფრო მყუდრო ატმოსფერო შეიქმნას.

სამუშაო ადგილებში დამატებითი სინათლე აუცილებელია - მაგალითად, სამზარეულოში სამუშაო ზედაპირზე ან ოფისში მაგიდის სანათი, რაც შეგიმცირებთ თვალების დაღლას და თქვენს მუშაობას ეფექტურს გახდის. გაითვალისწინეთ, რომ კედლის განათება სივრცეს ვიზუალურად უფრო მიმზიდველს ხდის