როგორ დავუბრუნოთ რბილ ავეჯს პირვანდელი სახე

რბილი ავეჯი - დივნები და სავარძლები - დროთა განმავლობაში თავის პირვანდელ იერსახეს კარგავს. ისინი ჭუჭყიანდებიან, იცვითებიან და უჩნდებათ ლაქები, რომელთა ამოყვანაც რთულია. თუმცა, სწორი მიდგომითა და შესაბამისი ტექნიკით შესაძლებელია, რბილ ავეჯს მისი თავდაპირველი იერსახე და ფუნქციონალურობა დავუბრუნოთ.

რატომ იცვითება რბილი ავეჯი?

ყოველდღიური ექსპლუატაცია თანდათან ტექსტილის ბოჭკოებს აზიანებს. ინტენსიური ჯდომა და წოლა ქსოვილს ჭიმავს, ფერს უკარგავს და ზედაპირს უხეშებს.

საკვები ნარჩენები - ნებისმიერ ჩვენგანს ერთხელ მაინც უვახშმია დივანზე მოკალათებულს, ტელევიზორის ყურებისას. ხშირად ვერც კი ვამჩნევთ, როგორ ვსვრით ზედაპირს საკვები ნარჩენებით. ცხიმი ღრმად ჯდება ბოჭკოებში და ზედაპირული წმენდით აღარ იშლება. გარდა ამისა, ზედაპირზე მოქმედებს მტვერი და შინაური ცხოველების ბეწვი.

სითხეები და ლაქები - ყავა, ღვინო, წვენი მუდმივ კვალს ტოვებენ ზედაპირზე. ერთი წვეთიც კი ღრმად ჯდება ქსოვილში, რასაც ზოგჯერ ყურადღებას არ ვაქცევთ, დროთა განმავლობაში კი უფრო და უფრო თვალსაჩინო ხდება.

როგორ მოვუაროთ რბილ ავეჯს

პირველი და ყველაზე მნიშვნელოვანი ნაბიჯი რეგულარული წმენდაა. სპეციალური ხელის მტვერსასრუტი ასეთი ზედაპირებისთვის იდეალური გამოსავალია. დამატებით გამოიყენეთ რბილი ჯაგრისი ან სპეციალური ავეჯის საწმენდი ხსნარი. მტვერსასრუტი უნდა იყოს საშუალო სიმძლავრის, რათა არ დააზიანოთ ქსოვილი. არ დაგავიწყდეთ დამალული ადგილების წმენდა - სწორედ ასეთ სივრცეებშია დაგროვილი ყველაზე მეტი ჭუჭყი.

ლაქების ეფექტური ამოყვანა

ახალი ლაქებისთვის: დაუყოვნებლივ გაწმინდეთ სველი ხელსახოცით. არასოდეს დატოვოთ გასაშრობად რეაგირების გარეშე, რადგან ჭუჭყი ღრმად ჩაიჯდება ქსოვილში და მის მოცილებას წვალების გარეშე ვეღარ შეძლებთ.

ძველი ლაქებისთვის გამოცდილი მეთოდია:

თეთრი ძმარი და წყალი (1:1 თანაფარდობით)
ნებისმიერი სარეცხი საშუალება, რაც სახლში მოგეპოვებათ
ცოტაოდენი ლიმონის წვენი

შეურიეთ ერთმანეთს და და მიღებული მასა სუფთა ღრუბლით დაადეთ ლაქას, დაამუშავეთ კონკრეტული ადგილი გარედან შიგნით, რათა არ გაფართოვდეს.

ღრმა წმენდის მეთოდები

ორთქლით წმენდა არის ერთ-ერთი ყველაზე ეფექტური მეთოდი ღრმად ჩამჯდარი ჭუჭყისა და ბაქტერიების მოსაცილებლად. დღეს უკვე ძალიან მარტივადაა შესაძლებელი ორთქლის საწმენდი აპარატის დაქირავება ან პროფესიონალური სერვისის გამოძახება, თანაც ბიუჯეტურად.

საწმენდი საშუალებები - ბაზარზე ყველასთვის ხელმისაწვდომია უამრავი საწმენდი საშუალება რბილი ავეჯისთვის. გირჩევთ, წინასწარ მცირე ნაწილზე დატესტოთ ნებისმიერი ხსნარი, რათა ქსოვილის დაზიანება თავიდან აირიდოთ.

სპეციფიკური ქსოვილების მოვლა

ტყავის ავეჯი განსაკუთრებულ მოვლას საჭიროებს. გამოიყენეთ მხოლოდ სპეციალური საწმენდი საშუალებები. ჩვეულებრივმა წყალმა და სარეცხმა საშუალებამ შესაძლოა დააზიანოს ტყავი ისე, რომ პირვანდელი სახე ვეღარ დაუბრუნოთ.

ბუნებრივი ქსოვილები - მაგალითად ბამბა და შალი საჭიროებს ნაზ მოვლას. გამოიყენეთ ჰიპოალერგიული საწმენდი საშუალებები და არა ძლიერი ქიმიკატები.

სინთეზური მასალები - პოლიესტერი და აკრილი უფრო მდგრადია ქიმიური საშუალებების მიმართ, მაგრამ მაინც საჭიროებს ფრთხილ და სწორად შერჩეულ მოვლას.

ფორმისა და მოცულობის აღდგენა

ბალიშები დროთა განმავლობაში კარგავენ მოცულობას. უმჯობესია შიდა ნაწილი ახალით შეცვალოთ, ხოლო ზედაპირი კარგად გაწმინდოთ. თუ ბალიშები მხოლოდ ოდნავ არის დეფორმირებული, შიდა გამავსებელი ნაწილი სპეციალური მასალით ამოავსეთ და კვლავ ფუმფულა გახდება.

დამატებითი რჩევები

პრევენციული ზომები - გამოიყენეთ ავეჯის დამცველი გადასაფარებლები, განსაკუთრებით, თუ სახლში შინაური ცხოველები გყავთ. ეს მნიშვნელოვნად შეამცირებს ლაქებისა რისკს. გარდა ამისა, დაათვალიერეთ ავეჯი კვირაში ერთხელ მაინც. თუ მალე შეამჩნევთ ხარვეზს, დროულად გამოასწორებთ და. უფრო მეტ პრობლემას აღარ შეუქმნით საკუთარ თავს.

პროფესიონალური დახმარება - სერიოზული დაზიანების ან განსაკუთრებით ძვირადღირებული ავეჯის შემთხვევაში, მიმართეთ პროფესიონალურ სერვისს. ისინი გამოიყენებენ შესაბამის აღჭურვილობას და ასე, თავიდან აირიდებთ დაზიანებებს.

დაიმახსოვრეთ, რომ ავეჯის იერსახე დამოკიდებულია არამხოლოდ წმენდასა და მოვლაზე, არამედ სწორად შერჩეულ ადგილზეც. მზის სხივები ფერს უკარგავს ქსოვილს, ამიტომ ხშირად ზედაპირი ხუნდება და ძველი ფერი ეკარგება.

არანაკლებ მნიშვნელოვანია ტენიანობის კონტროლი. ზედმეტი ტენიანობა ხელს უწყობს სოკოს და ბაქტერიების გაჩენას, ძალიან მშრალი ჰაერი კი ქსოვილის გამოშრობას იწვევს. იდეალური ტენიანობის მაჩვენებელი 40-60% შორის უნდა იყოს.

ავეჯის ქვეშ დარჩენილი ადგილი რეგულარულად გაწმინდეთ და დაათვალიერეთ. ხშირად სწორედ ამ უხილავი ადგილებიდან იწყება დაზიანება, თუნდაც სოკო ან ობი.

ნუ გადააჭარბებთ წონას - ეცადეთ, რომ დივანზე დაჯდომის დროს არ გადააჭარბოთ ლიმიტირებულ წონას, ასევე, თუ საყვარელი დასაჯდომი ადგილი გაქვთ, შეცვალეთ, რადგან გამუდმებით ერთ სივრცეზე არ იყოს წონა და სხვა მხარეც დაიტვირთოს.
სულ რომ იდეალურად დაიცვათ ყველა წესი და შესანიშნავად მოუაროთ ავეჯს, ნებისმიერ მათგანს აქვს თავისი მოქმედების ვადა, ამიტომ თუ შეამჩნევთ, რომ აღარც წმენდა შველის და არც ორთქლით დამუშავება, მალევე ჩაუტარეთ რესტავრაცია.

ნებისმიერ ავეჯს მოჰყვებამოვლისსპეციალურიინსტრუქცია, რომელსაც ყურადღება უნდა მიაქციოთ.

აუცილებლად გასათვალისწინებელი ინფორმაცია

W სიმბოლო ნიშნავს, რომ ქსოვილი იტანს წყლით წმენდას. ასეთი ავეჯისთვის უსაფრთხოა წყალზე დაფუძნებული საწმენდი ხსნარების გამოყენება. შეგიძლიათ გამოიყენოთ ტენიანი ღრუბელი, წყლისა და სარეცხი საშუალების ნარევი.

S აღნიშნავს გამხსნელს - ეს ნიშნავს, რომ ქსოვილისთვის უსაფრთხოა მხოლოდ სპეციალური მშრალი წმენდის ქიმიკატების გამოყენება. წყალმა ამ შემთხვევაში შესაძლოა, მასალა დააზიანოს.

WS კომბინაცია უფლებას გაძლევთ, გამოიყენოთ როგორც წყლიანი, ასევე გამხსნელის საფუძველზე მომზადებული საწმენდი საშუალებები.

X სიმბოლო მკაცრ შეზღუდვას ნიშნავს - მხოლოდ მტვერსასრუტით წმენდაა დაშვებული. ნებისმიერი სითხის გამოყენება აკრძალულია.

D ინდექსი მიუთითებს, რომ ავეჯს ესაჭიროება პროფესიონალური მშრალი წმენდა სპეციალიზებულ დაწესებულებაში.