როგორ დავაინსტალიროთ კედლის პანელები სწორად და მარტივად

კედლის პანელები თანამედროვე ინტერიერის დიზაინში სულ უფრო და უფრო ხშირად გამოიყენება. ეს გასაკვირი არაა, რადგან როგორც ესთეტიკურად მიმზიდველი, ასევე საკმაოდ პრაქტიკული არჩევანია ნებისმიერი სივრცისთვის. ბლოგში გაგიზიარებთ მიზეზებს, თუ რატომაა კედლის პანელები საუკეთესო არჩევანი, როგორ ავარჩიოთ ჩვენთვის ოპტიმალური მოდელები და რაც მთავარია, როგორ დავაინსტალიროთ სწორად და მარტივად.

რატომ უნდა ავირჩიოთ კედლის პანელები?

მრავალფეროვანი დიზაინი:

კედლის პანელები სხვადასხვა ტიპის მასალისგან იწარმოება, ამიტომ გვხვდება უამრავი ფერისა და სტრუქტურის მქონე მოდელები. ხისგან დაწყებული, პლასტმასით დამთავრებული, რაოდენობა ფაქტობრივად უსაზღვროა. მათი საშუალებით შეგიძლიათ შექმნათ როგორც კლასიკური, ასევე თანამედროვე ინტერიერის დიზაინი.

სწრაფი და მარტივი მონტაჟი

ტრადიციული კედლის მოპირკეთების მეთოდებისგან განსხვავებით, როგორიცაა შპალერის გაკვრა ან კედლების შეღებვა, პანელების დამონტაჟება შედარებით სწრაფი პროცესია, უფრო მცირე დროს და ენერგიას მოითხოვს. შესაბამისად, თავიდან აირიდებთ დამატებით ხარჯებს.

თბო და ხმის იზოლაცია

კედლის პანელების უმრავლესობა უზრუნველყოფს დამატებით თბოიზოლაციას, რაც გათბობისა და გაგრილების ხარჯებს მნიშვნელოვნად ამცირებს, ისევე, როგორც ხმაურის დონეს, რაც განსაკუთრებით მნიშვნელოვანი და პრობლემურია მრავალბინიან სახლებში.

დაცვის ფუნქცია

კედლის პანელებს უამრავ დადებითთან ერთად, ერთი უმნიშვნელოვანესი ფუნქციაც აქვს - იცავს კედლებს დაზიანებისგან. განსაკუთრებით მაღალი დატვირთვის მქონე ადგილებში, როგორიცაა შემოსასვლელი ოთახი, დერეფნები და სამზარეულო.

გრძელვადიანი ეკონომია

შესაძლოა იფიქროთ, რომ კედლის პანელები უფრო ძვირი ღირს, ვიდრე უბრალოდ ოთახის გადაღებვა ან შპალერის გაკვრა, თუმცა პანელები ბევრად გამძლეა და თანაც, ნაკლები მოვლა სჭირდება, რაც გრძელვადიან პერიოდში თანხას ზოგავს და ხარჯებს ამცირებს.

რა ტიპის კედლის პანელებია ბაზარზე?

იმისთვის, რომ თქვენს საჭიროებებზე და გემოვნებაზე მორგებული კედლის პანელები შეარჩიოთ, აუცილებელია იცოდეთ, რა განსხვავებაა მათ შორის.

მასალის მიხედვით:

ხის პანელები - ბაზარზე გვხვდება როგორც მზა, ასევე ინდივიდუალურად დასამზადებელი ვარიანტები. უკვე გამზადებული პანელები იმდენად ადვილი დასამონტაჟებელია, ნებისმიერი ადამიანი შეძლებს ინსტალაციას. თანაც, შესაძლებელია მათი შეღებვა, ვინირება და ლამინირება.
MDF პანელები - ხის პანელები უფრო ძვირია, ვიდრე MDF, ამ შემთხვევაშიც უამრავი არჩევანია, რომელთა გამოყენებაც (გადაღებვა, ვინირება) თქვენი გემოვნების მიხედვით შეგიძლიათ. ერთი მინუსი ისაა, რომ ხისა და MDF პანელები მგრძნობიარეა ტენიანობისა და ტემპერატურის მიმართ, რაც დროთა განმავლობაში მათ დეფორმირებას უწყობს ხელს.
PVC პანელები - წყალგამძლე, შედარებით იაფი და ადვილი დასამონტაჟებელია. იდეალურია სველი წერტილებისთვის და ისეთი ზონებისთვის, სადაც მაღალი ტენიანობაა.
აკუსტიკური პანელები - შიდა და გარე კუთხეებისთვის იდეალური არჩევანია. ამცირებს ხმაურის დონეს და იდეალურია ოფისებისთვის და სამუშაო სივრცეებისთვის.

როგორ შევარჩიოთ კედლის პანელი?

წინასწარ განსაზღვრეთ, სად აპირებთ კედლის პანელების გამოყენებას. გაითვალისწინეთ, რომ ზონების მიხედვით განსხვავებული მასალისგან დამზადებული პანელი დაგჭირდებათ. სამზარეულოსა და აბაზანისთვის pvc პანელები გამოდგება, საძინებლისთვის კი ხის პანელები შესაძლოა, ეფექტური და გამოსადეგი იყოს.

გათვალეთ ბიუჯეტი წინასწარ, შეადარეთ ფასები და მასალები ერთმანეთს. მოიკითხეთ ადგილობრივ მაღაზიაში ფასდაკლებები და მიიღეთ რჩევები. MDF და PVC პანელები უფრო ეკონომიური ვარიანტია, მაშინ, როცა მასიური ხისგან დამზადებული - ძვირი.

კედლის პანელების დიზაინი, ფერები და ტექსტურა საერთო ინტერიერსა და ექსტერიერს უნდა შეეფერებოდეს. თანამედროვე სივრცეები შეიძლება უკეთ გამოიყურებოდეს მინიმალისტური, სწორხაზოვანი პანელებით. გარდა ამისა, თუ თავად აპირებთ დამონტაჟებას, აირჩიეთ ისეთი მოდელები, რომელიც მარტივად ინსტალირდება. ასეთია Pvc და Mdf კედლის პანელები.

მათი კიდევ ერთი უპირატესობა იმაში მდგომარეობს, რომ საერთო ჯამში ნაკლები მოვლა სჭირდებათ, მაშინ, როცა მასიურ ხეს ყურადღება სულ უნდა მიაქციოთ და გაუფრთხილდეთ.

დამონტაჟებისთვის საჭირო მასალები და ხელსაწყოები

კედლის პანელების დამონტაჟებისთვის დაგჭირდებათ:
კედლის პანელები
ხის ზოლები (ბრუსები) ჩარჩოსთვის
დამჭერები ან ლურსმნები
წებო (პანელის ტიპის მიხედვით)
ელექტრო ან მექანიკური ხერხი
შურუპები და ხრახნები
დრელი
თარაზო
საზომი ლენტი
ფანქარი
სახაზავი

როგორ დავაინსტალიროთ კედლის პანელები:

გაწმინდეთ კედელი მტვრისა და ჭუჭყისგან
მოაშორეთ ძველი შპალერი ან საღებავი
ამოავსეთ ნაპრალი ან ხვრელი კედლებზე
გაზომეთ კედლის სიმაღლე და სიგანე
გაითვალისწინეთ ფანჯრები, კარები და ელექტრო როზეტები
თავიდანვე დაჭერით პანელები საჭირო ზომებზე
დატოვეთ 1-1.5 სმ-იანი სივრცე კედლებისა და ჭერის გასწვრივ
გაფართოებისთვის (განსაკუთრებით ხის პანელებისთვის)
დაამონტაჟეთ ჰორიზონტალური ხის ზოლები (ბრუსები) კედელზე 40-50
სმ ინტერვალით
გამოიყენეთ თარაზო, რათა დარწმუნდეთ, რომ ბრუსები სწორად არის
განლაგებული
დააფიქსირეთ ბრუსები შურუპებით
დაიწყეთ პანელის განთავსება კედლზე კუთხიდან ან კარის ჩარჩოდან
გამოიყენეთ თარაზო, რათა დარწმუნდეთ, რომ პირველი პანელის განლაგება ზუსტია
ფრთხილად ჩასვით ყოველი ახალი პანელი წინა პანელში
ელექტრო როზეტებისა და ჩამრთველების გარშემო ფრთხილად
დააყენეთ პლინტუსები
დაამუშავეთ კუთხეები
თუ საჭიროა, გამოიყენეთ შემავსებელი სილიკონი ნაპრალების ამოსავსებად
სურვილისამებრ შეღებეთ ან დაფარეთ ლაქით