როგორ განვაახლოთ ძველი დივანი - რჩევები

დივანი და ზოგადად, რბილი ავეჯი კომფორტული საცხოვრისის მოსაწყობად აუცილებელი წინაპირობაა. დროთა განმავლობაში, ნებისმიერი ხარისხის მასალისგან დამზადებული ავეჯი ცვთება, ხუნდება, იცვლის ფერს, ფორმასა და ვიზუალს. იქედან გამომდინარე, რომ დივანი საკმაოდ ძვირი ღირს და მისი გამოცვლაც ფუფნებაა, გაითვალისწინეთ, რომ ძველი ავეჯის განახლება მეტად ბიუჯეტური და მარტივი შესაძლოა იყოს. ამ ბლოგში გთავაზობთ რჩევებს, თუ როგორ შეგიძლიათ განაახლოთ დივანი მინიმალური დანახარჯებით და მაქსიმალურად ეფექტურად.

შეაფასეთ დივნის მდგომარეობა

მანამ, სანამ ძველ ავეჯს ახალ სიცოცხლეს მიანიჭებთ, მნიშვნელოვანია შეაფასოთ, თუ რა მდგომარეობაშია თქვენი დივანი და განსაზღვროთ, რა ტიპის განახლებას ან ჩარევას საჭიროებს.

1. პირველ რიგში, შეამოწმეთ დივნის “ჩარჩო”, თუ ის მყარია და არ ირყევა, საქმე უკვე გამარტივებულია. მორყეული კარკასი შესაძლოა, ხის ნაწილების გამაგრებას ან გამოცვლას საჭიროებდეს.
2. ყურადღებით დაათვალიერეთ, არის თუ არა დივნის ქსოვილი, იქნება ეს ტყავი თუ სხვა მატერია, დაზიანებული, გახეული ან შესამჩნევად გაცვეთილი. ზოგჯერ მინიმალური დაზიანებების გამოსწორება შესაძლებელია, მაგრამ ხშირად ავეჯი ზედაპირის განახლებას საჭიროებს.
3. არ დაგავიწყდეთ ბალიშების მდგომარეობის შემოწმებაც. დაჭყლეტილი და გაბრტყელებული ბალიშები შესაძლოა, შიდა მატერიის გამოცვლას საჭიროებდეს, რაც არც ისე რთული და ძვირადღირებულია, ამიტომ ამ ნაწილს თავს მარტივად გაართმევთ.

როგორ განვაახლოთ დივანი?

ზედაპირის გამოცვლა/გადაკვრა

თუ დივნის ჩარჩო(ე.წ კარკასი) კარგ მდგომარეობაშია, ზედაპირის გამოცვლა და ახლის გადაკვრა განახლების საუკეთესო ვარიანტია.

• აირჩიეთ ახალი, თქვენი ინტერიერის შესაფერისი ქსოვილი: მარტივად შეამჩნევთ, რომ ყველაზე დიდ ცვლილებას ზედაპირის შეცვლით მიიღებთ. 21-ე საუკუნეში პრინტების იმდენად მრავალფეროვანი არჩევანია, არჩევანის გაკეთება არ გაგიჭირდებათ. გაითვალისწინეთ, რომ იყოს მდგრადი ტექსტურა ან კლასიკური ტყავი.
• შეცვალეთ სტილი: გადაკვრისას შესაძლებელია, გარკვეული დეტალების შეცვლაც. მაგალითად, ნაკერების სტილი, დეკორი ან სადგამი ფეხების დიზაინი.
• გააუმჯობესეთ კომფორტი: როცა რაღაცას ცვლით და ამაში ენერგიას ხარჯავთ, ბარემ საქმე წინ წაიგდეთ და გახადეთ მეტად კომფორტული. ამას მარტივად მიაღწევთ ისეთი მცირე დეტალით, როგორიცაა ბალიშების ფორმის, სისქის და მატერიის შეცვლა.

მართალია, დივნის ზედაპირის გამოცვლა ხარჯიანია, თუმცა ბევრად უფრო ბიუჯეტურია, ვიდრე ახალი ავეჯის დამზადება ან ყიდვა.

რამდენად შეიძლება ავეჯის განახლება სპეციალისტის გარეშე?

რა თქმა უნდა, უმჯობესია, თუ საქმეს სპეციალისტს მიანდობთ, მაგრამ ნებისმიერი ავეჯისთვის ზედაპირების შერჩევა და გამოცვლა თქვენითაც შეგიძლიათ, ასე ხარჯებს დაზოგავთ და ნივთებსაც თქვენზე მორგებულს გახდით.

• დაიხმარეთ ვიდეოინსტრუქცია - დღეს ინტერნეტში უამრავი მასალა და ინსტრუქცია არსებობს, თუ როგორ განაახლოთ სასურველი ავეჯი ნებისმიერი მიმართულებით, რაც პროცესს საგრძნობლად გაგიმარტივებთ.
• გაითვალისწინეთ, რომ დაგჭირდებათ ინსტრუმენტები - ისეთი ნივთები, როგორიცაა მაკრატელი, სტეპლერი, შერჩეული ქსოვილი გადასაკრავად და წებო, ყველა ვარიანტში დაგჭირდებათ.
• იყავით მომთმენები - დაიწყეთ პატარა დეტალების შეცვლით, როგორიცაა ბალიშები ან დეკორი. გაითვალისწინეთ, რომ ასეთი საქმეები გარკვეულ დროს მოითხოვს, ნუ იქნებით უყურადღებო სიჩქარეში.
• მზა გადასაფარებლები - თუ ფიქრობთ, რომ ამ საქმეს თავს არც ისე კარგად გაართმევთ, ადგილობრივ მაღაზიებში მოიკითხეთ სპეციალური გადასაფარებლები, რომელიც უკვე გამზადებულ ფორმაში იყიდება სხვადასხვა ზომისა და ფორმის ავეჯისთვის.
• გამოცვალეთ სადგამი ფეხები - ვერც კი წარმოიდგენთ, რამდენად შეიძლება შეიცვალოს ავეჯის იერსახე მხოლოდ ფეხების შეცვლით.
• მაღალი ფეხები - ანიჭებს ავეჯს უფრო თანამედროვე, მსუბუქ იერს.
• კლასიკური, მოჩუქურთმებული ფეხები - ქმნიან ტრადიციულ, ელეგანტურ განწყობას.
• მუქი ან ღია ხის ფეხები - ამ ნაწილში გადაწყვეტილება მხოლოდ თქვენი ინტერიერიდან გამომდინარე უნდა მიიღოთ. ეცადეთ, ფერები მაქსიმალურად შეუხამოთ სხვა ავეჯსა და კედლის დიზაინს.
• გააფორმეთ აქსესუარებით: ზოგჯერ, ყველაზე დიდ განსხვავებას სწორად შერჩეული აქსესუარები ქმნის.
• დეკორატიული ბალიშები - ფერის, ტექსტურის და ფორმის ცვლილებით, სრულად ახალ ვიზუალს შექმნით. გადახედეთ 2025 წლის ტრენდულ პრინტებსა და იდეებს.
• პლედები: თუ გამოუვალ მდგომარეობაში ხართ და ზედაპირების გამოცვლას ვერ ასწრებთ, პლედი იდეალური ვარიანტია როგორც ნაკლოვანების დასაფარად, ასევე მყუდრო გარემოს შექმნისთვის.

რომელი დივანია უკეთესი ჩემი სივრცისთვის?

სხვადასხვა სივრცისთვის სხვადასხვა ტიპის, დიზაინის დივანია საჭირო. გიზიარებთ რამდენიმე რჩევას, თუ როგორ შეგიძლიათ შეარჩიოთ ოპტიმალური დივანი თქვენი სახლისთვის.

მისაღები ოთახისთვის

• სექციური დივანი პუფით - იდეალურია დიდი ოჯახებისა და ფართო სივრცეებისთვის. დიზაინი საშუალებას გაძლევთ, მოარგოთ ის ოთახის ნებისმიერ ფორმას.
• კლასიკური სამადგილიანი დივანი - უნივერსალური არჩევანია, რომელიც შესაძლოა მოერგოს როგორც ვინტაჟურ, ისე თანამედროვე ინტერიერს.
• ჩესტერის დივანი - ელეგანტურობის და კომფორტის სიმბოლო. უპირატესობა მიანიჭეთ ისეთ მოდელებს, რომლებიც ტრანსფორმაციის მექანიზმითაა აღჭურვილი, რაც საჭიროების შემთხვევაში საშუალებას მოგცემთ, დივანი გარდაქმნათ საწოლად.

პატარა სივრცეებისთვის

• გასაშლელი დივანი - იდეალური არჩევანია პატარა სივრცეებისთვის, როგორიცაა სტუდიოს ტიპის ბინა.
• დივან-სავარძელი - ერგება პატარა კუთხეებს და თანაც, ორი ფუნქციით გამოიყენება.
• ოფისისა და სამუშაო სივრცეებისთვის არჩევანი ტყავის დივანზე გააკეთეთ, რადგან აქვს ბევრად მეტი გამძლეობის უნარი, ვიდრე სტანდარტული ზედაპირის მქონე დივნებს.