ჭურჭლის სარეცხი მანქანის გამოყენების 7 ხერხი, რომელზეც აქამდე არ გსმენიათ

ჭურჭლის სარეცხი მანქანა, 21-ე საუკუნეში, ერთ-ერთი ყველაზე მოთხოვნადი საოჯახო ტექნიკაა, რომელიც გვიზოგავს დროს, საკუთარ და ელ. ენერგიას. ძალიან ცოტა ადამიანმა თუ იცის ჭურჭლის სარეცხი მანქანის მოხმარების წესები და სრულიპოტენციალი. ამ ბლოგში გაგიზიარებთშვიდ უჩვეულო და ეფექტურ ხერხს, რომელიც თქვენი ჭურჭლის სარეცხი მანქანის მაქსიმალურადეფექტურად გამოყენებაში დაგეხმარებათ.

ჭურჭლის სარეცხი მანქანის ტიპები

იმისთვის, რომ ოპტიმალური მოდელი შევარჩიოთ, კონკრეტული საოჯახო ტექნიკის ტიპებსა და მახასიათებლებში მინიმალურ დონეზე მაინც უნდა ვერკვეოდეთ.

თავისუფალი მოდელების ყველაზე დიდი უპირატესობა ისაა, რომ ნებისმიერ ადგილას შეიძლება დამონტაჟდეს და თანაც იმდენად მარტივად, რომ ამას თქვენც უპრობლემოდ მოახერხებთ.

რაც შეეხება მახასიათებლებს, სტანდარტულიზომები,როგორც წესი, ასე გამოიყურება: სიგანე - 60 სმ, ხოლო სიმაღლე - 85 სმ. ფასები საშუალოდ 400-დან 1500 ლარამდე მერყეობს დიზაინისა და ხარისხის მიხედვით. იკავებს მეტ ადგილს სამზარეულოში, ვიდრეჩასაშენებელიმოდელები, თუმცა უპირატესობა იმაში მდგომარეობს, რომ შედარებით ბიუჯეტურია.

ჩასაშენებელი მოდელები სპეციალურად დამზადებულია სამზარეულოს ავეჯში ჩასაშენებლად, რაც სივრცეს ჰარმონიულ, ერთიან და მოწესრიგებულ იერსახეს ანიჭებს.

სტანდარტული ზომების მიხედვით, სიგანე - 60 სმ, ხოლო სიმაღლე დაახლოებით, 82 სმ-ია. ფასები ამ შემთხვევაში იზრდება და საშუალოდ 600-დან 2000 ლარამდე მერყეობს. გარდა ამისა, თუ ჩასაშენებელ მოდელს აარჩევთ, გაითვალისწინეთ, რომ მისი მორგება ორნაირად შეგიძლიათ.

სრულად ინტეგრირებული: მთლიანად დაიფარება ავეჯის პანელით
ნახევრად ინტეგრირებული: არ იფარება ავეჯის პანელით, ამიტომ ღილაკების და პროგრამის დანახვა შეგიძლიათ.

გასათვალისწინებელია ისიც, რომ სამზარეულოს ავეჯის ზომები წინასწარ უნდა განსაზღვროთ, ხოლო ჭურჭლის სარეცხი მანქანის დიზაინი სამზარეულოს შეუსაბამოთ. მისი მარტო დამონტაჟება გაგიჭირდებათ, ამიტომ პროფესიონალის დახმარებაც დაგჭირდებათ.

კომპაქტური მოდელები იდეალურია პატარა სამზარეულოებისთვის ან საოფისე სივრცეებისთვის. მათი სიგანე 45-დან 55 სმ-მდეა, სიმაღლე კი იმის მიხედვით განისაზღვრება, მაგიდაზე დასადგომი ვარიანტია თუ დამოუკიდებლად, ცალკე მდგომი. კიდევ ერთი განსხვავება ჭურჭლის სარეცხი მანქანის ტევადობაშია. როცა სტანდარტულ მოდელებში 12-14 ჭურჭლის კომპლექტი ეტევა, პატარებში დაახლოებით, 6-დან 8-მდე. ფასები კი ბევრად დაბალია და 350-დან 800-მდე მერყეობს, ამიტომ, თქვენი საჭიროებები წინასწარ, ოჯახის წევრების რაოდენობიდან გამომდინარე უნდა განსაზღვროთ.
ჭურჭლის სარეცხი მანქანა დამოუკიდებელი უჯრებით ინოვაციური და კომფორტულია ნებისმიერი ოჯახისთვის. ასეთი ტიპის მოდელები სტანდარტული ზომისაა: სიგანე-60 სმ, სიმაღლე-85 სმ, თუმცა, მათი აგებულება სხვა ვარიანტებთან შედარებით, რადიკალურად განსხვავებულია. ამ ტიპის ჭურჭლის სარეცხი მანქანა პრემიუმ კლასის ტექნიკად ითვლება, რომლის ფასი 1200-დან 3000 ლარამდე მერყეობს. დამოუკიდებელი უჯრები საშუალებას გაძლევთ, თითოეულში 6-7 ჭურჭლის კომპლექტი მოათავსოთ. განსაკუთრებული უპირატესობაა მაშინ, როდესაც მცირე რაოდენობის ჭურჭელი გაქვთ გასარეცხი - იყენებთ მხოლოდ ერთ უჯრას და ზოგავთ ელ.ენერგიას, წყალს და დროს.

რომელი ჭურჭლის სარეცხი მანქანა გამომადგება?

თუ გაღიზიანებთ რეცხვისას გამოყოფილი ხმაური, მოგწონთ ცალკე მდგომი ჭურჭლის სარეცხი მანქანები და თქვენთვის მნიშვნელოვანია, ტექნიკა მუდმივად უზრუნველყოფდეს ჰიგიენურობასა და მიკრობების განადგურებას, Toshiba DW-10F1CIS(S) მოდელი თქვენთვისაა განკუთვნილი.

კომპაქტური ზომისა და მრავალფუნქციური პროგრამების გათვალისწინებით, ეს მოდელი შესანიშნავია პატარა და საშუალო ზომის ოჯახებისთვის.

ახლა კი გადავიდეთ მთავარზე:

7 ხერხი, რომელიც ტექნიკის ეფექტურად გამოყენებაში დაგეხმარებათ

ჭურჭლის სარეცხი მანქანა მრავალმხრივი გამოყენებისთვის

ჭურჭლის სარეცხი მანქანა შესაძლოა, არამხოლოდ თეფშების, ჭიქებისა და ჭურჭლის სხვა კომპლექტების გასარეცხად გამოიყენოთ, არამედ სხვა საოჯახო ნივთების გასასუფთავებლადაც.

მაგ: სამზარეულოს აქსესუარები: პლასტმასის სათამაშოები, სილიკონის საცხობი ფორმები, სამზარეულოს ღრუბლები და ჯაგრისები, სააბაზანოს აქსესუარები, კბილის ჯაგრისის დამჭერები, წყლის ბოთლები, პლასტმასის სპორტული აქსესუარები და სხვ.

ერთი მნიშვნელოვანი გაფრთხილებაა, რომ არასდროს უნდა ჩადოთ ჭურჭლის სარეცხ მანქანაში ხის, ანოდირებული ალუმინის, ძვირფასი მეტალის ან თუჯის ნივთები.

გამოიყენეთ ჭურჭლის სარეცხი მანქანა საკვების მოსამზადებლად

ალბათ, თითზე თუ ჩამოვითვლით ადამიანებს, რომლებიც ჭურჭლის სარეცხ მანქანას საკვების მოსამზადებლად იყენებს, თუმცა ფაქტი ფაქტად რჩება. მისი გამოყენებით, შეგვიძლია მოვხარშოთ კარტოფილი შემდეგნაირად: ჩაალაგეთ გარეცხილი კარტოფილი ზედა თაროზე და ჩართეთ ცხელი წყლის რეჟიმი საპნისა და სარეცხი საშუალებების გარეშე.

იგივე პრინციპით შესაძლებელია თევზის მოხარშვაც: მოათავსეთ თევზის ფილე ალუმინის ფოლგაში, დაამატეთ სანელებლები და ჩადეთ ზედა თაროზე. გამოიყენეთ მხოლოდ ცხელი წყლის რეჟიმი.

ეს მეთოდი იდეალურია მაშინ, როდესაც სამზარეულოს სხვა ტექნიკა, მიკროტალღური ღუმელი ან ქურა დაკავებულია.

გამოიყენეთ ძმარი ტექნიკის გასასუფთავებლად

ჭურჭლის სარეცხი მანქანის ზედა თაროზე მოათავსეთ თერმო ჭიქა, ჩაასხით 1 ჭიქა თეთრი ძმარი და დაელოდეთ. სულ რამდენიმე წუთში გაასუფთავებს ჭურჭლის სარეცხ მანქანას კირის ნალექისგან, გაანეიტრალებს უსიამოვნო სუნს, მოაშორებს ჭურჭელზე არსებულ ლაქებს და ამავდროულად, ჭიქებსა და თეფშებს განსაკუთრებულ ბზინვარებასაც მიანიჭებს.

ჩადეთ ჭურჭელი სწორი განლაგებით

ხშირად არც ვუკვირდებით, ისე უწესრიგოდ ვდებთ ჭურჭელს სარეცხი მანქანის უჯრებში, არადა, არასწორი განლაგება ხელს უშლის ეფექტურად რეცხვაში.

გამოიყენეთ ქვედა თარო დიდი ნივთებისთვის, როგორიცაა ქვაბები, ტაფები და განიერი(დიდი) თეფშები. ამასთან, ეცადეთ, დაბინძურებული მხარე წყლის შხეფების მიმართულებით მოათავსოთ.

ინოვაციური ტექნიკა პატარა ნივთების დასაფიქსირებლად

რეცხვისას გამოიყენეთ ფერადი სილიკონის თავსახურები ან რეზინის ბურთები, რათა პატარა ნივთები (ბავშვის ბოთლის საწოვრები, მცირე ზომის პლასტმასის ნაწილები) კარგად დაფიქსირდეს.

დაზოგეთ ელ.ენერგია

ამ ბლოგში იმ ხერხებსაც გასწავლით, რომლის დახმარებითაც ბიუჯეტისა და ელ.ენერგიის დაზოგვას შეძლებთ:

გამორთეთ შრობის ციკლი - გამორთეთ მანქანა რეცხვის ციკლის დასრულების შემდეგ და დატოვეთ კარი ოდნავ ღია, რომ კარგად გამოშრეს.
გამოიყენეთ ეკო რეჟიმი - მართალია, რეცხვისას უფრო მეტი დრო სჭირდება, თუმცა ელ.ენერგიის მოხმარებას მნიშვნელოვნად ამცირებს.
მოაგროვეთ ჭურჭელი და შემდეგ ჩართეთ მანქანა - არ გარეცხოთ ცალ-ცალკე.

მოუარეთ ტექნიკას რეგულარულად

იმისთვის, რომ სარეცხი მანქანის მომსახურების ვადა გაახანგრძლივოთ, მისი მოვლა აუცილებელია.

გაწმინდეთ ფილტრები - ორ კვირაში ერთხელ გაწმინდეთ ფილტრები საკვების ნარჩენებისა და ბაქტერიებისგან.
წყლის სიხისტისგან თავის დასაცავად, გამოიყენეთ სპეციალური მარილი, რათა დაგროვილმა კირქვამ ტექნიკა არ დააზიანოს.
გაწმინდეთ შიდა სივრცე ძმრით, ასე აირიდებთ ობის გაჩენასა და სუნს.

ჭურჭლის სარეცხი საშუალების შემცვლელი

თუ სპეციალური სარეცხი საშუალება არ გაქვთ ჭურჭლისთვის, შეგიძლიათ ამ ალტერნატივებით ჩაანაცვლოთ:

სოდის, მარილისა და ძმრის ნარევი - შეურიეთ 2 სუფრის კოვზი სოდა, 2 სუფრის კოვზი მარილი და 2 სუფრის კოვზი ძმარი.
ლიმონის წვენი - ნახევარი ლიმონის წვენი შეგიძლიათ გამოიყენოთ როგორც გამწმენდი და გამაპრიალებელი საშუალება.
სოდა და წყალბადის პეროქსიდი - ამ ნარევს აქვს ანტიბაქტერიული თვისებები და ეფექტურად წმენდს ჭურჭელს.

თუმცა, იმისთვის, რომ ტექნიკის დაზიანება თავიდან აირიდოთ, გრძელვადიან პერსპექტივაში სპეციალური საწმენდით რეცხვა საჭირო და მეტი, აუცილებელიც კია.