შეცდომები, რომლებსაც აბაზანის მოწყობისას ვუშვებთ

აბაზანა სახლის ერთ-ერთი ყველაზე მნიშვნელოვანი სივრცეა.

კარგად მოწყობილი აბაზანა არამხოლოდ კომფორტს ქმნის, არამედ საინვესტიციო ქონების ღირებულებასაც ზრდის.

იდეალური და კომპაქტური აბაზანის მოსაწყობად, აუცილებელია თითოეულ დეტალზე კარგად ნაფიქრი გვქონდეს,

ვიცნობდეთ ტენდენციებს და ვიცოდეთ იმ გავრცელებული შეცდომების შესახებ, რომლებსაც აბაზანის მოწყობისას ვუშვებთ.

არასაკმარისი ყურადღება დაგეგმარების დროს

მაშინ, როცა მთლიანი სახლი დაგეგმარების პროცესშია და ამ პროცესს უამრავი საზრუნავი ახლავს თან, შესაძლოა სათანადო დაგეგმარების პროცესს ყურადღება ვერ დავუთმოთ, არადა ეს ერთ-ერთი ყველაზე გავრცელებული შეცდომაა. ბევრი ადამიანი არ ითვალისწინებს ისეთ მნიშვნელოვან ფაქტორებს, როგორიცაა:

• სივრცის ოპტიმალური გამოყენება
• წყალგაყვანილობის განლაგება
• ვენტილაციის სისტემა
• განათება

არადა, ეს დეტალები ხშირად ისეთ ფუნქციურ პრობლემებს იწვევს, როგორიცაა არასაკმარისი სივრცე მოძრაობისთვის და შეუსაბამო სანტექნიკა.

არასათანადო ვენტილაციის სისტემა

ბევრი ადამიანი ყურადღებას საერთოდ არ აქცევს ვენტილაციის სისტემას, რაც სამომავლოდ, სააბაზანოში სინესტის, ობის და ბაქტერიების წარმოქმნის მთავარი მიზეზი ხდება. კარგი ვენტილაციის სისტემა აუცილებელია, რათა:

• შევამციროთ სინესტის დონე;
• თავიდან ავიცილოთ ობის წარმოქმნა;
• გავახანგრძლივოთ აბაზანის ტექნიკის მუშაობის ვადა;
• გავაუმჯობესოთ ჰაერის ხარისხი

აუცილებელია, წინასწარ განვსაზღვროთ აბაზანის ზომა და ვენტილაციაც, სწორედ ამ პრინციპით შევუსაბამოთ.

ბიუჯეტის არასწორად განაწილება

არ აქვს მნიშვნელობა კაპიტალურ თუ კოსმეტიკურ რემონტს ვაკეთებთ, ხშირად წაგვძლევს ხოლმე სურვილი, სახლის ნებისმიერი ზონისთვის ძვირადღირებული საოჯახო ტექნიკა ვიყიდოთ, თუმცა მეორე მხრივ, ვზოგავთ ისეთ მნიშვნელოვან დეტალებზე, როგორიცაა:

• წყალგაყვანილობის მილები
• ჰიდროიზოლაცია
• ხარისხიანი სამშენებლო მასალა

ეს მიდგომა, გრძელვადიან პერსპექტივაში უფრო მეტად გაგიზრდით ხარჯს, რადგან დაბალი ხარისხის მასალები სწრაფად ზიანდება და ყოველ ჯერზე საჭიროებს შეცვლას.

არასაკმარისი განათება

საცხოვრებელ სივრცეში, სწორად შერჩეულ განათებაზეა დამოკიდებული კომფორტი და მყუდროობა. ამისთვის, გასათვალისწინებელია რამდენიმე ფაქტორი, მათ შორის: სიკაშკაშე, ფერის ტემპერატურა, ენერგოეფექტურობა, ფასი და ექსპლუატაციის ვადა.

სტანდარტული ნათურის შესარჩევად, უნდა ვიცოდეთ ლედ ნათურასა და ვოლფრამის ნათურას შორის განსხვავებები.

ვოლფრამის ნათურებს ახასიათებს:

• მაღალი ენერგომოხმარება: სხვა ვარიანტებთან შედარებით, ვოლფრამის ნათურა მნიშვნელოვნად მეტ ელექტროენერგიას მოიხმარს.
• შეზღუდული გამოყენების ვადა: საშუალოდ, ვოლფრამის ნათურა მხოლოდ 1000-დან 2000 საათამდე მუშაობს, რაც ხშირი ჩანაცვლების საჭიროებას ქმნის.
• სითბოს გამოყოფა: ფუნქციონირების პროცესში, ვოლფრამის ნათურა დამატებით სითბოს გამოყოფს, სწორედ ამიტომ, ზაფხულში ოთახში ტემპერატურა საგრძნობლად იზრდება.

სათავსოები, რომლებიც ხშირად გვავიწყდება

ხშირად, რემონტისას იმდენად აჟიტირებულები ვართ და თანაც, ყურადღებას გამუდმებით ესთეტიკას, ავეჯს და კედლის ფერებს ვუთმობთ. გვავიწყდება, რომ ჰიგიენური ნივთების შესანახად სათავსოები გვჭირდება.

უხარისხო სამშენებლო და სარემონტო მასალები

აბაზანა სახლის იმ ზონას განეკუთვნება, სადაც მუდმივად ნესტი და სისველეა, ამიტომ, მასალების შერჩევისას, განსაკუთრებული ყურადღება გვმართებს. ხშირად დაშვებულ შეცდომებს შორისაა უხარისხო ფილების შერჩევა ან ისეთი საღებავის გამოყენება, რომელიც ნესტს ვერ უძლებს.

ამიტომ, ისეთი მასალები უნდა აირჩიოთ, რომლებიც სპეციალურად ნესტიანი ზონებისთვისაა შექმნილი. მაგალითად, წყალამრიდი, ეკოლოგიურად სუფთა საღებავი, რომელიც წყლის

წვეთებს ირიდებს და დამცავ სილიკონის ფენასაც ქმნის.

არასწორად შერჩეული სანტექნიკა

აბაზანის მოწყობისას, ზოგიერთი ადამიანი ძალიან დიდ ან პირიქით, ძალიან პატარა სანტექნიკას ისე გაუაზრებლად ირჩევს, რომ სივრცის ზომას არც კი ითვალისწინებს და თვალით, დიზაინის მიხედვით აკეთებს არჩევანს. ამან შესაძლოა გამოიწვიოს:

• მოძრაობის შეზღუდვა;
• ვიზუალური დისბალანსი;
• ფუნქციური პრობლემები

საერთო ჯამში, სანტექნიკის შერჩევისას, აუცილებლად გაითვალისწინეთ აბაზანის ზომა და ფორმა, რათა ჰარმონიული და ფუნქციური სივრცე შექმნათ და არა ისეთი, რომელსაც ვერ გამოიყენებთ.

ჰიდროიზოლაცია

ჰიდროიზოლაცია უმნიშვნელოვანესი ეტაპია აბაზანის მოწყობისას, რომელსაც სამწუხაროდ, დიდი ყურადღება არ ექცევა და შედეგად, ხშირი კოსმეტიკური რემონტი ხდება საჭირო. არასათანადოდ შესრულებულმა სამუშაოებმა, შესაძლოა გამოიწვიოს:

• წყლის გაჟონვა
• კედლების დაზიანება
• ობის წარმოქმნა

ელექტროობის არასწორი დაგეგმვა

ნებისმიერ პროექტზე მუშაობისას, ელექტროგაყვანილობა ისე უნდა იყოს დაგეგმილი, რომ შენობის ყველა წერტილს ელ. ენერგია შეუფერხებლად და უსაფრთხოდ მიეწოდებოდეს.

აბაზანის დამზადებაში ყველაზე პოპულარული მასალებია, აკრილი, პლასტმასი და თუჯი. იმისათვის რომ არჩევანის გაკეთება გაგიადვილდეთ, ცალ-ცალკე განვიხილოთ ყოველი მათგანის დადებითი და უარყოფითი მხარეები.

როგორ შევარჩიოთ მასალა აბაზანისთვის

პლასტმასის აბაზანა: პლასტმასი ყველაზე ფართოდ გამოიყენება აბაზანების დამზადებისას, რადგან სხვა ვარიანტებთან შედარებით, ყველაზე ბიუჯეტურია. თანაც, მსუბუქი დამეტნაკლებად გამძლე.

აკრილის აბაზანა: აკრილისაბაზანას მეორენაირად ხელოვნური ქვისაბაზანას უწოდებენ. პლასტმასზე ბევრად ძვირია, თუმცა არისგამძლე, მზისსხივებისადმი მედეგიდა შეხებისასისეთ შეგრძნებას გიტოვებთ, თითქოსკერამიკის ნაკეთობასეხებით.

თუჯის აბაზანა: თუჯის აბაზანა ყველასათვის ცნობილია, როგორც ყველაზე ძვირფასი, გამძლე და საიმედო. გასულ საუკუნეში, აბაზანები ძირითადად თუჯისგან მზადდებოდა, თუმცა მასალის სიძვირის გამო, დღეს ნაკლებად გამოყენებადია. ესპანური ბრენდი როკა პრემიუმ ხაზის ბრენდია, რომელიც ვინტაჟური ტიპის თუჯის აბაზანებს ამზადებს, მათი გამორჩევა ყველასგან შეგეძლებათ, რადგან იდეალური ვიზუალი და ხარისხი აქვს.