როგორ გავახანგრძლივოთ სარეცხი მანქანის მომსახურების ვადა

სარეცხი მანქანისა და სხვა თანამედროვე საოჯახო ტექნიკის გარეშე, ცხოვრება ძალიან რთული და პრინციპში, უკვე წარმოუდგენელია. დროის გასვლასთან ერთად, ჭუჭყი და ნადები ფილტრში, ლუქებსა და შლანგებში გროვდება, რაც მანქანის ეფექტურად მუშაობის უნარს აქვეითებს და უფრო მეტიც, შესაძლოა, ტანსაცმელიცდაგიზიანოთ. ამიტომ, მისი მოვლა, რეგულარული წმენდა და შემოწმება არამხოლოდ საჭირო, აუცილებელიცკია.

ამ ბლოგში გაგიზიარებთ ყველა საჭირო ინფორმაციას, რომელიც სარეცხი მანქანის შერჩევისას, შემდეგ კი მისი გამოყენებისას, თქვენი ნამდვილი გზამკვლევი გახდება.

როგორ შეიქმნა სარეცხი მანქანა

სარეცხ მანქანას ცხადია, წარსულში ისეთი თანამედროვე ფორმა არ ჰქონდა, როგორიც ახლა. პირველი მოწყობილობა, რომელიცრეცხვისთვისგამოიყენებოდა, 1797 წელსგამოიგონეს, თუმცაის რადიკალურადგანსხვავდებოდადღეს წარმოებულიმოდელებისგან. მე-19 საუკუნისშუა პერიოდში, ხელით სამართავი სარეცხი მანქანები გამოჩნდა, ხოლო პირველი ელექტრო სარეცხი მანქანა 1908 წელს შექმნეს.

დიდი დრო არ იყო გასული, რაც Bendix-ის პირველი ავტომატური სარეცხი მანქანა გამოჩნდა ბაზარზე, რომელსაც გაწურვის ფუნქციაც ჰქონდა და იმ დროისთვის, დიდ ფუფუნებად ითვლებოდა.

1950-იანი წლებიდან სარეცხი მანქანების მასობრივი მოხმარება დაიწყეს. დღეს კი ისეთი მაღალტექნოლოგიური, ჭკვიანი სარეცხი მანქანები გვაქვს,რომლბიცმობილურიტელეფონითიმართებადა მრავალფეროვანი, სენსორული მართვის პანელი აქვს.

სარეცხი მანქანის ტიპები

სანამ ტექნიკის მოვლის შესახებ რჩევებს გაგიზიარებთ, განვიხილოთ სარეცხი მანქანის ტიპები, რათა ოპტიმალური მოდელის შერჩევა გაგიადვილოთ.

ზედა ჩატვირთვით: ამ ტიპის სარეცხი მანქანა შედარებით ნაკლებ ადგილს იკავებს და რაც მთავარია, მარტივი ინტერფეისისა და პროგრამების სიმცირის გამო, ადვილად მოსახმარია. მთავარი უპირატესობა ისაა, რომ შუა რეცხვის პროცესში, სარეცხის ჩამატება შეგიძლიათ.
ფრონტალური, ანუ წინა ჩატვირთვით: 21-ე საუკუნეში, თანამედროვე სარეცხი მანქანების 90%-ზე მეტი ფრონტალური ჩატვირთვითაა, რადგან ის გაცილებით ეკონომიური და ეფექტურია, ვიდრე წინა ვარიანტი. გარდა ამისა, მოიხმარს ბევრად ნაკლებ ელექტროენერგიას, ნაკლებ წყალს და გაცილებით უკეთ რეცხავს სარეცხს. ფრონტალურ სარეცხ მანქანებში გვხვდება ტევადობის ფართო არჩევანი და მრავალფეროვანი პროგრამები.

სხვა მნიშვნელოვან მახასიათებლებში, სარეცხი მანქანები კვლავ შეგვიძლია რამდენიმე ვარიანტად დავყოთ:

ავტომატური - ასრულებს რეცხვის სრულ ციკლს (რეცხვა, გავლება, გაწურვა).
ნახევრად ავტომატური - საჭიროებს ჩარევას ციკლს შორის.
სარეცხი-საშრობი (კომბინირებული) - ერთ მოწყობილობაში აერთიანებს სარეცხ მანქანასა და საშრობს, რაც განსაკუთრებით ზამთარში, ნესტიან და წვიმიან ამინდში ნებისმიერი ადამიანისთვის დიდი შეღავათია.

როგორ ავირჩიოთ ოპტიმალური და ხარისხიანი სარეცხი მანქანა

სარეცხი მანქანები იაფი ნამდვილად არ ღირს, ამიტომ ხარისხიანი ტექნიკის შერჩევა ჩვენი ცხოვრების გამარტივების აუცილებელი წინაპირობაა. გიზიარებთ ყველა დეტალს, რაზეც ყურადღება უნდა გაამახვილოთ:

ძრავა: ინვერტორული ძრავა ბევრად გამძლე და ენერგოეფექტურია, ვიდრე ტრადიციული. ისეთი მწარმოებლები, რომლებიც ძრავაზე 10+ წლიან გარანტიას იძლევიან, ხშირად, უფრო მაღალი ხარისხის პროდუქტს ყიდიან. ამიტომ, ასეთ პატარა დეტალებს ყურადღება უნდა მიაქციოთ ხოლმე.
რეპუტაცია: გაეცანით შეფასებებსა და განხილვებს, განსაჯეთ ბრენდის საიმედოობა სწორედ განხილვების სტატისტიკაზე დაყრდნობით.
ენერგოეფექტურობა: A+++ ან მსგავსი მაღალი კლასის ენერგოეფექტურობის მქონე მოდელები. როგორც წესი. უკეთესი ხარისხისაა და ბევრად უფრო გამძლე.

Vievo-ს #XQG80-V8K54C მოდელი ზემოხსენებული დეტალების გათვალისწინებით, ერთ-ერთი ოპტიმალური და ხარისხიანი ვერსიაა:წინა ჩატვირთვით, ეკო რეჟიმით (რაც ნაკლებ ენერგიას მოიხმარს) და მუშაობის დროს გამოყოფილი მინიმალური ხმით. ამ მოდელის კიდევ ერთი უპირატესობა ისაა, რომ უჟანგავია და გარე სივრცეში მისი განთავსება თავისუფლადაა შესაძლებელი.

როგორ მოვუაროთ სარეცხი მანქანას, რათა დიდხანს გაძლოს

გაწმინდეთ დოლურა: თუ მასში ჭუჭყი, ნადები ან ობი გაჩნდა, რომელსაც არ გაწმენდთ, ჩათვალეთ, რომ ტანსაცმელი არამხოლოდ ნაკლებად სუფთა, არამედ შესაძლოა, დაზიანებულიც კი დაიბრუნოთ. საჭიროა, თვეში ერთხელ მაინც გაუშვათ ცარიელი ციკლი მაღალ ტემპერატურაზე (90°C) და სპეციალური საწმენდი ხსნარი დაამატოთ, რათა მიკრობებისგან დოლურა სრულად გათავისუფლდეს.
რეგულარულად გაწმინდეთ და შეამოწმეთ ფილტრი: ფილტრი, რომელიც ნადებითაა სავსე, დოლურის ეფექტურად მუშაობას ხელს შეუშლის. იმისთვის, რომ ერთმა მეორე არ დააზიანოს, თვეში ერთხელ მისი შემოწმებაც აუცილებელია.
გამორეცხეთ სარეცხი საშუალების უჯრა თბილი წყლით.
წინა ჩატვირთვის სარეცხი მანქანებში გაწმინდეთ რეზინის მანჟეტი, ხოლო რეცხვის შემდეგ კარი ღია დატოვეთ, რათა სრულად გამოშრეს და დატოვეთ კარი ღია რეცხვის შემდეგ, რომ გაშრეს.
არ შეყაროთ სარეცხის მანქანაში იმაზე მეტი ტანსაცმელი, ვიდრე დაშვებულია. აგრეთვე, დარწმუნდით, რომ მანქანა სწორად დგას და არ ირხევა მუშაობისას.
გამოიყენეთ შესაფერისი პროგრამები სხვადასხვა ტიპის ქსოვილისთვის. დამატებითი ინფორმაციის ნახვა ინსტრუქციის ფურცელზე შეგეძლებათ.
თუ ისეთ რეგიონში ცხოვრობთ, სადაც წყალი ხისტია, სპეციალური დანამატები კირქვის დაგროვების თავიდან აცილებაში დაგეხმარებათ.
ორ წელიწადში ერთხელ, თავის დაზღვევის მიზნით, გაატარეთ პროფესიონალური ტექნიკური შემოწმება.

დამატებითი რჩევები

ალბათ, ერთხელ მაინც ყველას მოგვსვლია, როცა ტანსაცმლის ჯიბეებში ჩარჩენილი ნივთების ამოღება დაგვვიწყებია, თუმცა ეს დაუშვებელი შეცდომაა. ასე, შესაძლოა დოლურა დაზიანდეს და მანქანის მუშაობა შეფერხდეს.

მაშინ, როცა სარეცხი მანქანას დიდი ხნის განმავლობაში არ იყენებთ, გამორთეთ მანქანა „დენიდან“ ელექტროენერგიის ხარჯების შესამცირებლად და ელექტრული პრობლემების თავიდან ასაცილებლად.