როგორ შევარჩიოთ ხარისხიანი ავეჯი სახლისთვის

ავეჯი სახლში მხოლოდ კომფორტსა და პრაქტიკულობას კი არ განსაზღვრავს, არამედ ინტერიერის სტილსა და ატმოსფეროსაც. სწორად შერჩეული ავეჯი წლების განმავლობაში ინარჩუნებს სილამაზეს, თავდაპირველ იერსახეს და ფუნქციურობას, ამიტომ ხარისხზე დაკვირვება და კარგი ავეჯის შეძენა მთლიანი თუ კოსმეტიკური რემონტის შემთხვევაში, პრიორიტეტული და გადამწყვეტიც კია. ამ ბლოგში გაგიზიარებთ რჩევებს, როგორ შევარჩიოთ ავეჯი ჩვენი სახლისთვის ან საოფისე სივრცისთვის და მოგიყვებით ხრიკებზე, რომლებიც არჩევანის გაკეთებაში დაგეხმარებათ.

განსაზღვრეთ თქვენი საჭიროება და სივრცე

პირველი ნაბიჯი იმის გაანალიზებაა, რა ფუნქცია უნდა შეასრულოს ავეჯმა კონკრეტულ ოთახში. მაგალითად:

მისაღებში შესაძლოა დაგჭირდეთ კომფორტული დივანი სტუმრების მისაღებად.
საძინებლებში საწოლები ოპტიმალური ზომის მატრასით.
სამუშაო ზონაში კი ფუნქციური მაგიდა და მოსახერხებელი სკამი.

ამიტომ, პირველი, რაც უნდა გააკეთოთ ესაა ოთახის ზომების აღება და ნახაზის შექმნა. წარმოიდგინეთ, სად დადგავდით ნებისმიერ ნივთსა თუ ტექნიკას, შემდეგ გადაადგილეთ გონებაში, გაზომეთ, ნამდვილად დაეტევა თუ არა თქვენთვის სასურველი ავეჯი და შემდეგ მიიღეთ გადაწყვეტილება.

ყურადღება მიაქციეთ მასალებს

ხარისხიანი ავეჯის საწინდარი მის დასამზადებლად გამოყენებული მასალა.

ხე - ბუნებრივი, გამძლე და ეკოლოგიურად სუფთაა.
(MDF, HDF) - ამ ტიპის მასალას არ აქვს ბუნებრივი ჭრილები ან ხაზები, ამიტომ იდეალურია შესაღებად. თანაც, ადვილად იჭრება და იღებს სხვადასხვა ფორმას, გამოსადეგია რთული დეკორატიული ელემენტების შესაქმნელადაც. უფრო ბიუჯეტური ვარიანტია, ვიდრე ხე, თუმცა, საერთო ჯამში, ინარჩუნებს ხარისხიან ვიზუალს და თავდაპირველ იერსახეს. ყველა სიკეთესთან ერთად, არ იბზარება და ლპება მარტივად, ტენიანობისას ან წყლის მოხვედრის დროს.
ლითონი - თანამედროვე და მტკიცე კონსტრუქციებისთვისაა შექმნილი, რომელიც წლების განმავლობაში ინარჩუნებს ფორმას. მარტივად ერწყმის ხეს, მინას ან ქვას, ეს უკვე თქვენს გემოვნებაზე და სურვილზეა დამოკიდებული.

რჩევის სახით გეტყვით, რომ უმჯობესია, მოითხოვოთ ინფორმაცია მასალების წარმოშობისა და დამუშავების შესახებ, რაც პირდაპირ აისახება ნებისმიერი პროდუქტის გამძლეობაზე.

შეამოწმეთ დამუშავების ხარისხი

გახსოვდეთ, რომ ვიზუალი ყოველთვის არ განაპირობებს ხარისხს. შესაძლოა, პროდუქტი შესანიშნავად გამოიყურებოდეს, თუმცა 2-3 დღეში ისე დაზიანდეს, რომ მისი შეკეთებაც ვეღარ შეძლოთ. ამიტომ:

შეამოწმეთ, არის თუ არა კუთხეები კარგად მომრგვალებული და დამუშავებული.
კარი და უჯრები უნდა იხსნებოდეს დაბრკოლების და სპეციფიკური ხმების გარეშე.
ფერები და ტექსტურა უნდა იყოს ერთგვაროვანი და არავითარ შემთხვევაში აჭრელებული ან ნახეთქებით.

ამიტომ, გირჩევთ მაღაზიაში ყოველთვის სცადოთ ავეჯის გამოყენება, დაჯექით, გააღეთ უჯრები, შეამოწმეთ გამძლეობა და სტაბილურობა.

ყურადღება მიაქციეთ ფერსა და სტილს

ხარისხთან ერთად, აუცილებელია, რომ ავეჯი უხდებოდეს ინტერიერის საერთო დიზაინს.

ნეიტრალური ფერები (თეთრი, ბეჟი, ნაცრისფერი) თითქმის ყველა ტიპის ინტერიერსა და ექსტერიერს უხდება. თანაც, ამ ფერებით შექმნილი მინიმალისტური დიზაინი არასდროს კარგავს აქტუალობას.
მკვეთრი ფერები უკეთესია აქცენტებისთვის. გამოიყენეთ მზისფერი, ნარინჯისფერი და ოქროსფერი კანტებისა და პატარა დეკორაციების გასაკეთებლად და არა მთავარ ფერებად.

გაითვალისწინეთ ბიუჯეტი, მაგრამ ნუ დაზოგავთ ხარისხზე

ხშირად, იაფი ავეჯი სწრაფად კარგავს ფორმასა და თავდაპირველ იერსახეს. ჯობს ერთჯერადად უფრო მეტი ინვესტიცია გააკეთოთ და მიიღოთ პროდუქტი, რომელიც წლების განმავლობაში შეინარჩუნებს სიმტკიცესა და ვიზუალს.

თუ მაინც ბიუჯეტურად შოპინგს გადაწყვეტთ, შეადარეთ ფასები რამდენიმე ადგილობრივ მაღაზიაში, ნახეთ, სად რამდენია სხვაობა და სთხოვეთ კონსულტანტებს ნივთების მახასიათებლების შესახებ ინფორმაცია. საერთო ჯამში, პრიორიტეტი მიანიჭეთ ხარისხს და გარანტიას.

სანდო ბრენდები, როგორც წესი, მაღაზიებს სერტიფიცირებულ პროდუქტს აწვდიან. ასევე მნიშვნელოვანია გარანტიის ვადა, რაც დამატებითი დაცვითი მექანიზმია თქვენთვის, ანუ მომხმარებლისთვის.

როგორ შევარჩიოთ გარე ავეჯი

გარე ავეჯის შერჩევა, სტანდარტულ ავეჯთან შედარებით, ბევრად უფრო მეტ ყურადღებას მოითხოვს. ისეთი გარემო პირობები, როგორიცაა ულტრაიისფერი სხივები, წვიმა, ტენიანობა, ქარი და ტემპერატურის მკვეთრი ცვლილება, აუცილებლად გასათვალისწინებელია. სწორედ ამიტომ, მასალებიც შესაბამისი ფუნქციური დატვირთვით უნდა შეირჩეს.

ალუმინი - მსუბუქია, არ იკიდებს ჟანგს ადვილად და თანაც, მარტივად შეგიძლიათ გადაადგილება. იდეალურია, თუ გსურთ თანამედროვე დიზაინის ავეჯი.
უჟანგავი ფოლადი - მძიმე, მყარი და ძალიან გამძლე. განსაკუთრებით კარგია მაშინ, როცა მისი დამუშავება წლების განმავლობაში მიმდინარეობდა.

მიუხედავადიმისა, რომხარისხიანიმასალადიდხანსძლებს, დამატებითი მოვლა აუცილებელია:

ზამთარში ან უხვი ნალექის დროს, გამოიყენეთ წყალგაუმტარი საფარი.
ხის ავეჯი წელიწადში ერთხელ მაინც დაამუშავეთ სპეციალური ზეთით ან ლაკით.
პლასტმასის ავეჯი კი პერიოდულად გაწმინდეთ რბილი ღრუბლითა და თბილი წყლით. არ გამოიყენოთ ქიმიური საშუალებები, რაც პლასტმას დაადნობს ან დალაქავს, რასაც ვეღარ უშველით.

ერთი სიტყვით, არც სტანდარტული და არც გარე ავეჯის შერჩევა არაა მხოლოდ ესთეტიკის საკითხი. პირიქით - ეს არის ინვესტიცია, რომელიც თქვენს ინტერიერს, ბაღს, აივანს ან ტერასას კომფორტულ და ფუნქციურ სივრცედ აქცევს. ხარისხიანი მასალები და ამინდის მიმართ გამძლეობა მთავარი კრიტერიუმებია, რაც ავეჯს წლების განმავლობაში უნარჩუნებს სილამაზეს და გამძლეობას. სწორი მოვლისა და შენახვის პირობებში, თქვენი ავეჯი არ დაკარგავს არც ფერს, და მითუმეტეს - არც ფორმას.