სააბაზანოს ავეჯი პატარა სივრცისთვის: მაქსიმალური კომფორტი მინიმალური ძალისხმევით

აბაზანის ავეჯს რომ ყველაზე პატარა სივრცის ვიზუალურად გადიდება შეუძლია, იცოდით? მთავარია, ნივთები და მასალა სწორად, ჭკვიანურად და სტრატეგიულად შეარჩიოთ. ამისთვის უამრავი მეთოდი არსებობს: ამ ბლოგში გაგიზიარებთ ინფორმაციას, როგორ გამოვიყენო ჩვენი სივრცე მაქსიმალურად, გავხადოთ ფუნქციური, დახვეწილი და თანაც ისე, რომ არც წინასწარ გათვლილ ბიუჯეტს გავცდეთ და არც რემონტის ისედაც პრობლემური დღეები გავწელოთ.

პრაქტიკული რჩევები, რომლებიც რემონტის დროს გამოგადგებათ

აბაზანის ავეჯისა და მისი განლაგების წყალობით, შესაძლოა, სააბაზანო სივრცე თქვენი სახლის ყველაზე კომფორტული და ფუნქციურად დატვირთული კუთხე გახდეს. პირველ რიგში, დაიწყეთ ზუსტი გაზომვებით, კედლიდან კედლამდე დააფიქსირეთ წერტილები. დატოვეთ თავისუფალი გასასვლელი მინიმუმ 60 სმ, სანამ უნიტაზს დაამონტაჟებთ გაითვალისწინეთ, რომ წინა მხარეს და გვერდებზე გონივრული დაშორება უზრუნველყოთ.

ამას გარდა, ავეჯის შეძენისას, დიდი ყურადღება მიაქციეთ იმას, თუ რამდენად შეძლებთ ვერტიკალურ სივრცეში მის გამოყენებას. ზოგადად, კარადები, რომლებიც ჭერამდეა გადაჭიმული, ან თუნდაც ტექნიკა, რასაც ვერტიკალური სიბრტყე აქვს ათვისებული, ყოველთვის მომგებიანია: ზოგავს ადგილს და ცვლის აღქმას.

დასაკიდი უნიტაზი კიდევ ერთი გამოსავალია, პატარა სივრცის ვიზუალურად გასადიდებლად. თანაც, ასე, იატაკის გაწმენდას გაიმარტივებთ. შეამცირეთ სიღრმე 38-45 სმ-მდე, რათა გადაადგილება კომფორტულად შეგეძლოთ. თუ სივრცე იმდენად ვიწროა, რომ სიარულიც გიჭირთ, გამოიყენეთ კუთხის ან ინტეგრირებული ნიჟარა.

დაამატეთ აბაზანის სარკე-კარადა, რაც მოგცემთ საშუალებას ერთდროულად იქონიოთ სარკეც და სათავსო ადგილიც. ყურადღება მიაქციეთ, რომ კარადა იყოს მაღალი და ვიწრო. შესაძლოა ერთი შეხედვით, ვიწრო სათავსო არასაჭიროდ მოგეჩვენოთ, მაგრამ პირსახოცებისა და ჰიგიენის საშუალებების შესანახად და სივრცის დასაზოგად იდეალური და სრულიად საკმარისია.

დუშკაბინა თუ აბაზანა?

რომელი ჯობს სინამდვილეში? ამ კითხვაზე პასუხის გაცემა საკმაოდ რთულია, რადგან პასუხი თითოეული ადამიანის საჭიროებებიდან გამომდინარე მოდის. თანამედროვე ცხოვრების ტემპში დუშკაბინა იდეალური ვარიანტია. 5-10 წუთში შეგიძლია სრულყოფილად დაიბანო და მოემზადო დღისთვის.

ამას გარდა, დუშკაბინა გაცილებით ეფექტურია, სტანდარტული საშხაპე დაახლოებით 10-25 ლიტრ წყალს ხარჯავს წუთში, ხოლო აბაზანის სავსებად 150-300 ლიტრია საჭირო. ნაკლები რაოდენობის ცხელი წყლის გამოყენების გამო, საშხაპე ნაკლებ ელექტროენერგიას ან გაზს ხარჯავს, რაც თვის ბოლოს თქვენს გადასახადებზეც აისახება. კიდევ ერთი დადებითი ისაა, რომ ბინძური წყალი მაშინვე ჩაედინება, რაც უკეთეს ჰიგიენას უზრუნველყოფს. ამას დავამატოთ ფაქტი, რომ დილის შხაპი უკეთ გამოგაფხიზლებთ, თანაც სულ რამდენიმე წამში.

რაც შეეხება აბაზანას, ის უნიკალური საშუალებაა სტრესის მოსახსნელად. ცხელი წყალი და განტვირთვა ხელს უწყობს კუნთების მოდუნებას. იმ შემთხვევაში, თუ გაწუხებთ დაჭიმულობა, სამსახურში დამღლელი დღე გქონდათ და განტვირთვა გსურთ, ეს უებარი და საუკეთესო გამოსავალია. ცხელი აბაზანის მიღება ეფექტურად გაგათავისუფლებთ ყველა სახის დაჭიმულობისგან. თანაც, ცხელი წყალი აუმჯობესებს სისხლის მიმოქცევას, ეხმარება ტოქსინების გამოდევნას და აძლიერებს იმუნურ სისტემას. აბაზანა იძლევა საშუალებას, დაუთმო დრო საკუთარ თავს, წაიკითხო წიგნი, იფიქრო ან უბრალოდ ისიამოვნო სიმშვიდით.

კიდევ ერთი პლუსი ისაა, რომ წყალში შედარებით დიდხანს ყოფნა ხელს უწყობს გამაგრებული და გაუხეშებული კანის დარბილებას, რაც განსაკუთრებით სასარგებლოა მშრალი კანისთვის. ერთი სიტყვით, სიტუაციების მიხედვით, შევიძლია ორივე კომფორტულად გამოვიყენოთ. თუმცა აქ ჩნდება მთავარი კითხვა, რომელია საუკეთესო ვარიანტი მაშინ, თუ სივრცე შეზღუდულია?

ასეთ შემთხვევაში, დუშკაბინას გირჩევთ. გექნებათ მეტი მოძრაობის თავისუფლება და ვიზუალურად დიდი სივრცე. გამჭვირვალე შუშის კედლები და დაბალი პადონი ოთახს ვიზუალურად გაადიდებს და არც ზედმეტად არ დატვირთავს.

გამოიყენეთ ტენმედეგი მასალები

ასეთ დროს, აუცილებლად ტენგამძლე MDF-ს გირჩევდით. ეს მასალა გამძლეა და მარტივად იწმინდება. კედლებისთვის აიღეთ დიდი ფორმატის კერამიკული ფილა, რომ ე.წ ნაკერები ნაკლებად გამოჩნდეს და სივრცე ვიზუალურად გაიზარდოს. ფერებში უპირატესობა მიანიჭეთ თეთრს, ღია ნაცრისფერსა და მიწისფერს, ხოლო თუ გაფორმება და დეკორაცია თქვენთვის მნიშვნელოვანია, დაამატეთ მუქი აქცენტები კონტრასტულობისთვის და დიზაინის გასახალისებლად.

დააყენეთ რამდენიმეშრიანი განათება: ჭერზე დიფუზური სინათლე, სარკესთან მძლავრი განათება და მცირე ზომის ნათურები ოთახის ირგვლივ. აირჩიეთ მინიმუმ IP44 სტანდარტის მოწყობილობები, რათა ნესტმა ან წყლის მოხვედრამ არ დააზიანოს.

აირჩიეთ სანდო ბრენდები

როცა პატარა აბაზანას აწყობთ, აუცილებლად შეარჩიეთ ისეთი ბრენდები, რომლებიც არამხოლოდ დიზაინით, არამედ გამძლეობით და ხარისხით გამოირჩევიან. Roca უკვე წლებია ლიდერია კერამიკისა და აბაზანის ავეჯის წარმოებაში.მათი კომპაქტური ნიჟარები, კედელზე დასაკიდებელი უნიტაზები და ფუნქციური ავეჯი იდეალურია მცირე სივრცისთვის, - ვიზუალურად მსუბუქია, მაგრამ პრაქტიკული და გამძლე.

საბოლოო ჯამში, პატარა აბაზანა შესაძლოა, თქვენი სახლის ყველაზე კომფორტული და ელეგანტური სივრცე გახდეს, თუ სწორად დაგეგმავთ და გააზრებულ არჩევანს გააკეთებთ.

დაიწყეთ ზუსტი გაზომვებით, აირჩიეთ კედელზე დასაკიდებელი ავეჯი და გამჭვირვალე დუშკაბინა, გამოიყენეთ ღია ფერები და რამდენიმეშრიანი განათება, რათა სივრცე ვიზუალურად გაიზარდოს და თავისუფლად გადაადგილებაც შეძლოთ.