რატომაა კერამოგრანიტი გამძლე და ეფექტური ნებისმიერი სივრცისთვის?

კერამოგრანიტი თანამედროვე სამშენებლო მასალათა შორის ერთ-ერთი გამორჩეულია - ხელოვნური მასალა, რომელსაც ბუნებრივი ქვის ვიზუალი აქვს და ძლიერ ტექნიკურ მახასიათებლებს აერთიანებს. თანაც, დღეს, როცა იატაკისა თუ კედლის მოსაპირკეთებელი მასალების არჩევანი საკმაოდ მრავალფეროვანია, სწორი გადაწყვეტილების მიღება გაცილებით დიდ დაკვირვებასა და ინფორმირებულობას მოითხოვს. ჩვენს გემოვნებასა და საჭიროებებს შორის ბალანსის პოვნა რთულია, მითუმეტეს მაშინ, როცა ბაზარი სავსეა დახვეწილი და განსხვავებული თვისებების მქონე მასალებით.

კერამოგრანიტი (ანუ კერამიკული გრანიტი) - მაღალი სიმტკიცის მქონე მოსაპირკეთებელი მასალაა, რომელიც თავიდან მხოლოდ ტექნიკური სივრცეებისთვის გამოიყენებოდა, მაგალითად, საზოგადოებრივი დაწესებულებების იატაკებისთვის. თუმცა, ტექნოლოგიებმა და დიზაინის განვითარებამ ერთ-ერთ ყველაზე მოთხოვნად და ელეგანტურ გადაწყვეტილებად აქცია თანამედროვე ინტერიერში.

მიუხედავად იმისა, რომ სრულ სახელწოდებაში „გრანიტი“ ფიგურირებს, შემცველობაში აღნიშნული მასალა საერთოდ არ მოიძებნება. კერამოგრანიტის სიძლიერე წარმოების სპეციფიკური პროცესითაა განპირობებული: იგი მზადდება ნახევრად მშრალი დაპრესვის მეთოდით - 400-500 კგ/სმ² წნევით, რის შემდეგაც გამოწვა ძალიან მაღალი ტემპერატურით (1200–1300°C) მიმდინარეობს. პროდუქტის საფუძველია შლიკერი - ფხვნილის ტიპის მასა, რომელიც მზადდება გამომწვარ თიხებთან, კაოლინთან, ქვიშასთან და ფელდშპატებთან ერთად. ხშირად მასში ფერადი ოქსიდებიცაა გარეული, რაც ვიზუალური მრავალფეროვნების მიღწევის საშუალებას იძლევა.

კერამოგრანიტის უპირატესობები

გამძლეობა

კერამოგრანიტი განკუთვნილია მაღალი დატვირთვის სივრცეებისთვის. ამიტომაც, ის უძლებს მექანიკურ ზემოქმედებას, არ იკაწრება და არ ზიანდება მარტივად. იდეალურია როგორც ინტენსიურად მოხმარებადი სივრცეებისთვის, ისე იატაკებისთვისაც - განსაკუთრებით სადარბაზოებში, სამზარეულოში ან აივანზეც კი.

2. ტენმედეგობა

იდეალურ ვარიანტია სველი წერტილებისთვის: აბაზანისთვის, სამზარეულოსთვის ან გარე სივრცეებისთვის, რადგან წვიმა მას ვერაფერს ავნებს. ერთი სიტყვით, კერამოგრანიტი არ ფუჭდება ტენიანობის ზემოქმედებით და არ საჭიროებს განსაკუთრებულ მოვლას.

3. მრავალფეროვანი დიზაინი ბაზარზე

კერამოგრანიტის შემთხვევაში, სავსებით შესაძლებელია ბუნებრივი მასალების - ხის, მარმარილოს, ბეტონის ან ქვის ვიზუალის გადმოცემა, რაც მას მომხმარებლისთვის განსაკუთრებით მოთხოვნადს და სასურველს ხდის. არ აქვს მნიშვნელობა რა გსურთ: კლასიკური ინტერიერი თუ თანამედროვე მინიმალიზმი, ნებისმიერ სტილს მარტივად მოარგებთ.

4. მარტივი მოვლა და სისუფთავე

მისი ზედაპირის დამსახურებით, ჭუჭყი და ბაქტერიები ღრმად არ აღწევს, ამიტომ მისი წმენდა მარტივია და მხოლოდ თბილი წყალი ან ნაკლები სიმძლავრის სარეცხი საშუალება საკმარისია. შესაბამისად, კერამოგრანიტი იდეალურია მათთვის, ვინც სწრაფ, პრაქტიკულ და სუფთა გარემოს ანიჭებს უპირატესობას.

5. ხანგრძლივობა და ეკომეგობრულობა

კერამოგრანიტის ერთ-ერთი ძლიერი მხარე მისი გამძლეობაა - ის ათწლეულობით ინარჩუნებს პირვანდელ სახეს და არ საჭიროებს სწრაფ ჩანაცვლებას.

როგორ იქმნება კერამოგრანიტი?

კერამოგრანიტის დამზადების პროცესი ტექნიკურად დახვეწილია. როგორც უკვე აღვნიშნეთ, შლიკერის საფუძველზე მიღებულ ფხვნილს დიდ წნევაზე ამუშავებენ, შემდგომ კი ძალიან მაღალ ტემპერატურაზე წვავენ. ეს უზრუნველყოფს მასალის გამჭვირვალე სტრუქტურას, სიძლიერესა და ტემპერატურის მიმართ მდგრადობას. შედეგად ვიღებთ უნიკალურ პროდუქტს, რომელიც უძლებს როგორც ცვეთას, ასევე ტენიანობას, ყინვასა და ულტრაიისფერ სხივებს.

როგორ უნდა მოვუაროთ კერამოგრანიტს? - პრაქტიკულირჩევები

მას შემდეგ, რაც კერამოგრანიტს შეარჩევთ ნებისმიერი სივრცის ინტერიერისთვის, მნიშვნელოვანია მისი მოვლის სწორი მეთოდებიც გაითვალისწინოთ. მიუხედავად იმისა, რომ ეს მასალა გამორჩეულად გამძლეა, სათანადო მოვლის შემთხვევაში კიდევ უფრო დიდხანს ინარჩუნებს პირვანდელ იერს და მახასიათებლებს.

ყოველდღიური მოვლა

ყოველდღიური წმენდისთვის საკმარისია კერამოგრანიტის ზედაპირის მტვერსასრუტით ან რბილი ჯაგრისით გაწმენდა. შემდგომ შესაძლებელია გაიწმინდოს სველი ხელსახოცით ან ნაკლები სიმძლავრის სარეცხი საშუალებით. მნიშვნელოვანია, არ გამოიყენოთ მჟავიანი ან ტუტე ქიმიკატები, რათა არ დაზიანდეს ზედაპირის სტრუქტურა.

ლაქების მოცილება

თუ კერამოგრანიტის ზედაპირზე ლაქა გაჩნდება, მაგალითად, ყავის, ღვინის, ზეთის ან ნებისმიერი სხვა რამ, უმჯობესია დაუყოვნებლივ გაიწმინდოს. იმის მიხედვით, თუ რა ტუპის ლაქაზეა საუბარი, უნდა გამოიყენოთ შესაბამისი საწმენდი საშუალება:

ცხიმოვანი ლაქებისთვის - ცხიმის-მომხსნელი სითხე,
ჩამჯდარი ლაქებისთვის - სპეციალური კირის მოსაშორებელი ხსნარი,
მეტისმეტად რთული ლაქებისთვის - სპეციალური საწმენდი საშუალება კერამოგრანიტისთვის, რომელიც მძლავრი იქნება თუმცა სწორედ ამ მასალისთვის გათვლილი, რაც დაზიანებას თავიდან აგაცილებთ.

როგორ ავიცილოთ თავიდან დაზიანება? მიუხედავად მისი გაძლეობისა, რეკომენდებულია, რომ ავეჯს ქვეშ ჰქონდეს დამცავი ბალიშები ან რეზინის საფარი. მძიმე ნივთების გადაადგილებისას ჯობს აწიოთ, რათა თავიდან აირიდოთ ზედაპირის დაზიანება. გარე პირობებში კი გამოიყენეთ სპეციალურად გარე სივრცისთვის განკუთვნილი კერამოგრანიტი, რომელიც კლიმატურ ცვლილებებს უკეთ აიტანს და ზედმეტ თავის ტკივილსაც აგარიდებთ.

ამას გარდა, წელიწადში ერთხელ ან ორჯერ კარგი იქნება კერამოგრანიტის ღრმა წმენდა. ამისთვის უნდა გამოიყენოთ სპეციალური საწმენდები, რომლებიც არ აზიანებს ზედაპირს და არ ტოვებს ქიმიური ნივთიერებების კვალს.

კერამოგრანიტი არ არის მხოლოდ ესთეტიკურად მიმზიდველი და გამძლე მასალა, ამასთან ერთად პრაქტიკული, მარტივად მოსავლელი და ეფექტური არჩევანია. მისი მოვლა არ მოითხოვს განსაკუთრებულ ძალისხმევას: მხოლოდ სწორ საწმენდ საშუალებებს, დროულ დასუფთავებას და მცირე ყურადღებას.