5 რამ, რაც აუცილებლად უნდა იცოდეთ მაცივრის შერჩევისას

მაცივარი ერთ-ერთი ყველაზე საჭირო და პრაქტიკული საყოფაცხოვრებო ტექნიკაა სახლში. მას ვერ შეარჩევთ მხოლოდ ზომისა და ფერის მიხედვით - არსებობს მრავალი ფაქტორი, რომლებიც აუცილებლად უნდა გაითვალისწინოთ, რათა საბოლოოდ ენერგოეფექტური, პრაქტიკული და ხანგრძლივი გამოყენებისთვის გამართული მოწყობილობა მიიღოთ.

ამ ბლოგში დეტალურად აგიხსნით მაცივრის ტიპებს, ძირითად ფუნქციურ მახასიათებლებს და სანდო ბრენდებს, რომ სწორად და საფუძვლიანად შეარჩიოთ ის, რაც გჭირდებათ.

ორკამერიანი მაცივარი

ეს არის კლასიკური და ყველაზე გავრცელებული ტიპი, რომელშიც მაცივარი და საყინულე განცალკევებულია. კამერები ერთმანეთზეა განლაგებული: საყინულე ან ზევითაა ან ქვევით.

დადებითი მხარეები:

• გონივრული ფასი
• მაცივრისა და საყინულის კარგი ბალანსი
• ენერგოეფექტურობის კარგი მაჩვენებელი
• ხელმისაწვდომია ყველა ტიპის ოჯახისთვის

ვისთვის არის იდეალური:

• საშუალო ზომის ოჯახისთვის, ვისაც სჭირდება ყოველდღიური გამოყენება და არ საჭიროებს უზარმაზარ საყინულეს.

Side By Side მაცივარი

ამ შემთხვევაში, საყინულე და მაცივარი ერთმანეთის გვერდითაა განლაგებული ვერტიკალურად. ორივე კამერას აქვს საკუთარი კარი.

დადებითი მხარეები:

• ორივე კამერაზე გაქვთ წვდომა ერთდროულად
• აქვს ვიწრო კარები - საჭიროებს ნაკლებ სივრცეს კარის გასაღებად
• ხშირად მოყვება წყლის ფილტრი და ე.წ “აის-მეიქერი”

უარყოფითი მხარეები:

• საყინულე ვიწროა, რაც არ არის იდეალური დიდი ზომის ნივთების შესანახად;
• ზოგჯერ ნაკლებად ენერგოეფექტურია, ვიდრე სტანდარტული მაცივრები

ვისთვისაა შესაფერისი:

• დიდი ზომის ოჯახებისთვის ან ადამიანებისთვის, რომლებიც ხშირად ამზადებენ კერძებს და სურთ ერთდროული წვდომა ბევრ პროდუქტზე.

მინი მაცივარი

ამ ტიპის მაცივრები პატარა ზომისაა, ხშირად ერთკამერიანია და არ აქვს საყინულე ან აქვს, თუმცა პატარა.

დადებითი მხარეები:

• დაბალი ფასი;
• საჭიროებს ძალიან პატარა ადგილს;
• იდეალურია ოფისისთვის, საერთო საცხოვრებლისთვის ან საძინებლისთვის;

ვისთვისაა შესაფერისი:

• სტუდენტებისთვის, ოფისისთვის, ან მათ, ვისაც მეორე მაცივრის საჭიროება აქვთ ბინაში.

ჩაშენებული მაცივარი

ეს მოდელები მთლიანად ერთიანდება სამზარეულოს ავეჯთან და გარედან არ ჩანს, რადგან ჩაშენებულია.

დადებითი მხარეები:

• ესთეტიკა და ჰარმონია
• ხშირად საკმაოდ ძვირადღირებული მოდელები პრემიუმ ფუნქციებით არის აღჭურვილი

ნაკლოვანებები:

• მაღალი ფასი
• რთული მონტაჟი და ნაკლები მოცულობა

ვისთვისაა შესაფერისი:

• დიზაინზე ორიენტირებული მყიდველებისთვის ან პრემიუმ ხარისხის მოყვარული ადამიანებისთვის

რაც შეეხება მაცივრის მოცულობას, თქვენი საჭიროებების და ოჯახის წევრთა რაოდენობის მიხედვით უნდა შეარჩიოთ. ეს გზამკვლევი სწორედ ამაში დაგეხმარებათ:

როდესაც ტექნიკის მაღაზიაში შედიხართ ან ონლაინ ათვალიერებთ საყოფაცხოვრებო ტექნიკას, ამ შემთხვევაში კი მაცივრებს, თვალში პირველი, რაც გვხვდება, არის ბრენდი.

„Samsung“, „LG“, „Bosch“, „Beko“ და სხვ, თითოეული გვპირდება ხარისხს, ინოვაციას და კომფორტს. მაგრამ რეალურად, რას გთავაზობენ ისინი და როგორგ ავარჩიოთ ერთმანეთისგან?

Samsung-ის მაცივრები პირველ რიგში, გამოირჩევა თანამედროვე ფუნქციებით და ელეგანტური დიზაინით. ეს ბრენდი განსაკუთრებით პოპულარულია ე.წ “სმარტ” ფუნქციებით - Wi-Fi კონტროლი, სენსორული ეკრანებით და სხვ. გარდა ამისა, Samsung ხშირად იყენებს ინვერტორულ კომპრესორებს, რაც ნაკლებ ხმაურს გამოყოფს და ენერგიას პირიქით, - ზოგავს.

LG ცნობილია ხმაურის მინიმალური დონით. ბრენდის მაცივრები აღჭურვილია Linear Compressor-ით, რომელიც თითქმის უხმაუროდ მუშაობს და ბევრად უფრო ენერგოეფექტურია, ვიდრე სხვა ნებისმიერი მაცივარი. Wi-Fi-ის მეშვეობით,შესაძლებელია,მაცივრის მართვა პირდაპირ მობილურიდან - ანუ,შენ შეგიძლია ტემპერატურა შეცვალო ან შეამოწმო, კარები დარჩა თუ არა ღია.

Bosch-ის ტექნიკა ყოველთვის ასოცირდება სანდოობასთან. ამ ბრენდის მაცივრები მეტწილად მინიმალისტური დიზაინისაა, მაგრამ დახვეწილი მექანიზმით და ენერგოეფექტურობით.

თუ გინდა მაცივარი, რომელიც 10 წელზე მეტხანს მოგემსახურება ზედმეტი პრობლემების გარეშე - Bosch ნამდვილად ერთ-ერთი საუკეთესო არჩევანია.

განსაკუთრებით გამოსარჩევია მათი FreshSense ტექნოლოგია, რომელიც აკონტროლებს შიდა ტემპერატურას და უნარჩუნებს საკვების სისუფთავეს.

თუ გჭირდება ყოველდღიური გამოყენებისთვის მაცივარი ხელმისაწვდომ ფასად - Beko ყოველმხრივ სანდო არჩევანია. ამ ბრენდის მოდელები არ გამოირჩევიან ინოვაციური ფუნქციებით, მაგრამ ფოკუსირებულები არიან ძირითადზე: სტაბილური ტემპერატურა, კარგი საყინულე და კომპაქტური დიზაინი. Beko-ს ზოგიერთი მოდელი ენერგოეფექტურობის თვალსაზრისითაც კარგ შედეგებს აჩვენებს.

ბოლოში კი აუცილებლად უნდა ვახსენოთ Midea, რომელიც დღესდღეობით ერთ-ერთი უმსხვილესი საყოფაცხოვრებო ტექნიკის მწარმოებელია მსოფლიოში და ბაზარზე უშვებს არამხოლოდ მაცივრებს, არამედ კონდიციონერებს, სარეცხ მანქანებს, მიკროტალღურ ღუმელებს და სხვა.

ყველაზე მნიშვნელოვანი ისაა, რომ Midea-ს მაცივრები ბოლო წლებში სწრაფად ვითარდება ინოვაციური ტექნოლოგიებით, თუმცა მაინც ინარჩუნებს ხელმისაწვდომ ფასს.

რატომ არის ენერგოეფექტურობა მნიშვნელოვანი?

მაცივარი წელიწადში მოიხმარს დაახლოებით 150–500 კვტ/სთ ენერგიას, რაც პირდაპირ აისახება ნებისმიერი ჩვენგანის ბიუჯეტზე.

ენერგოეფექტური მაცივრები შესაძლოა, ცოტა უფრო ძვირი ღირდეს, თუმცა ეკონომიური იყოს და თვის ბოლოს, ნაკლები ხარჯი დაწეროს, ამიტომ ასეთი ტიპის მოდელები საკუთარ ფასს ამართლებს.

როგორ მივხვდეთ, რამდენად ენერგოეფექტურია მაცივარი?

ყველა თანამედროვე მაცივარს აქვს ენერგო კლასი - Europe-ის ახალი სტანდარტით, ეს აღნიშნულია ასოებით: A, B, C, D... საუკეთესო არჩევანია A კლასის მაცივრები - ისინი ყველაზე ნაკლებ ენერგიას ხარჯავენ. C ან D კლასის მოდელებს, ძველი სტანდარტებით A+ ან A++ ეწოდებოდა - ანუ ჯერ კიდევ მისაღებია, თუმცა უკვე ნაკლებად ეფექტური.