როგორ დავზოგოთ ელექტროენერგია კონდიციონერის სწორად გამოყენებით

კონდიციონერი, განსაკუთრებით ზაფხულის დადგომასთან ერთად, ყველა ადამიანისთვის მოთხოვნადი საყოფაცხოვრებო ტექნიკაა. როცა გარეთ ტემპერატურა 30 გრადუსს აჭარბებს, გაგრილებული ოთახი - სახლში თუ ოფისში კომფორტის გარანტია. თუმცა, ამ კომფორტს ხშირად თან ახლავს გაზრდილი ელექტროენერგიის გადასახადები, რაც როგორც წესი, მომხმარებლებისთვის სერიოზულ ფინანსურ ტვირთად იქცევა ხოლმე.

მთავარი კითხვა ასეთია: შესაძლებელია თუ არა გაგრილება ისე, რომ ზედმეტი არ გადავიხადოთ? კი, შესაძლებელია. სწორი გამოყენების შემთხვევაში, კონდიციონერი არ უნდა იქცეს ფინანსური ტვირთი. საჭიროა, მხოლოდ რამდენიმე დეტალის გათვალისწინება, რასაც ამ ბლოგში გაგიზიარებთ.

რატომ იზრდება ხარჯი კონდიციონერის გამოყენებისას?

ძირითადი მიზეზები, რაც ელექტროენერგიის ხარჯის მატებას იწვევს, არის:

არასწორად შერჩეული კონდიციონერის ზომა ოთახთან მიმართებით
დიდი ხნის განმავლობაში გასაწმენდი ფილტრები
მოწყობილობის ხანგრძლივი მუშაობა
ცუდი თბოიზოლაცია

დაიმახსოვრეთ, რომ სწორად შერჩეული კონდიციონერი = ნაკლები ხარჯს

ხარჯის შემცირება ჯერ კიდევ შერჩევის ეტაპზე იწყება.
არასწორად შერჩეული კონდიციონერი, მაგალითად, ძალიან ძლიერი მოწყობილობა პატარა ოთახისთვის, უფრო მეტ ელექტროენერგიას ხარჯავს, ვიდრე სინამდვილეშია საჭირო. იგივე პრინციპი მოქმედებს ძალიან სუსტ მოდელებზეც, რომლებსაც გამუდმებით უწევს მუშაობა მაქსიმალურ დატვირთვაზე.

რა უნდა გაითვალისწინოთ:

პირველ რიგში, გაითვალისწინეთ კონდიციონერის სიმძლავრე. დააკვირდით, შეესაბამება თუ არა ის თქვენი სივრცის ზომას.
ენერგოეფექტურობის კლასი - ეცადეთ შეარჩიოთ A++, ან A+++ კლასის მოდელი. ინვერტორული სისტემები (Inverter AC) ნაკლებ ელექტროენერგიას ხარჯავენ და მოწყობილობას დაზოგვით ამუშავებენ.
ეკონომიური რეჟიმები და სენსორები — თანამედროვე კონდიციონერებს ხშირად აქვს ფუნქციები, რომლებიც ენერგიის დაზოგვაზეა გათვლილი: ტაიმერი, ძილის რეჟიმი, მოძრაობის სენსორი და სხვა.

არ დააყენოთ კონდიციონერი მინიმალურ ტემპერატურაზე

ხშირი შეცდომაა მოწყობილობის 16–18°C-ზე დაყენება იმ იმედით, რომ ოთახი სწრაფად გაგრილდება. სინამდვილეში, კონდიციონერს დრო მაინც სჭირდება სასურველ ტემპერატურაზე გასაგრილებლად. ზედმეტად დაბალი მაჩვენებელი მხოლოდ ძრავის გადატვირთვას და ენერგიის ფუჭ ხარჯვას იწვევს.

გაითვალისწინეთ, რომ იდეალური ტემპერატურა ზაფხულში 24–26°C - ია.
ეს ტემპერატურა არამხოლოდ კომფორტულია, არამედ ენერგოეფექტურიც. სტატისტიკურად, თითოეულ დამატებით გრადუსზე, რომელიც მინიმუმზე ნაკლებია, ენერგიის მოხმარება დაახლოებით 6–8%-ით იზრდება.

გამოიყენე ე.წ ტაიმერი დროის გასაკონტროლებლად

ტაიმერის და ძილის რეჟიმის გამოყენება ერთ-ერთი ყველაზე ეფექტური გზაა ელექტროენერგიის დასაზოგად.

ტაიმერი საშუალებას გაძლევს, დააყენო დრო სურვილის მიხედვით და ასე მოწყობილობა ავტომატურად გაითიშება, მაგალითად, 2 საათში მას შემდეგ, რაც დაიძინებთ.
ძილის რეჟიმი კი თანდათანობით ზრდის ტემპერატურას ღამის განმავლობაში, როდესაც სხეულს ნაკლებად სჭირდება ინტენსიური გაგრილება.

მომხმარებლების უმრავლესობა, რომელთაც ღამით კონდიციონერი მუდმივად ჩართული აქვს, რეალურად სიგრილეს კი არა, ზედმეტ გადასახადს იღებს.

გარდა ამისა, გაითვალისწინეთ, რომ ფანჯრებზე ჟალუზები ჩამოაფაროთ, რადგან ზაფხუში ოთახი საოცარი სისწრაფით თბება. თუ ფანჯრებზე არაა ჩამოფარებული ფარდა ან ჟალუზი, დღის განმავლობაში ოთახში ტემპერატურა სწრაფად იზრდება და კონდიციონერს ორმაგი მუშაობა უწევს.

გამოიყენე მუქი ფერის ფარდები ან ჟალუზები.
დაამონტაჟე კონდიციონერი ისეთ ადგილას, სადაც მზე პირდაპირ არ ხვდება.

თუ ოთახი ბუნებრივად გრილია, მოწყობილობა გაცილებით ნაკლებ ენერგიას მოიხმარს.

გაასუფთავე ფილტრები რეგულარულად

დაბინძურებული ფილტრები ჰაერის ნაკადს ზღუდავს. ამის გამო, კონდიციონერს უწევს უფრო ძლიერი მუშაობა, რომ იგივე ეფექტი შეინარჩუნოს. შედეგად, იზრდება როგორც ენერგომოხმარება, ისე ტექნიკის ცვეთა.

ამიტომ, გაწმენდე ფილტრები 2-3 კვირაში ერთხელ. ეს მარტივი პროცედურაა, რომელსაც ინსტრუქციაში იპოვი, და ზოგ შემთხვევაში, სულ რამდენიმე წუთს წაგართმევს.

იზოლაცია = ეკონომიას

შენობა, რომელსაც არ აქვს სათანადო თბოიზოლაცია, კონდიციონერისთვის ნამდვილი გამოწვევაა. არ დაგავიწყდეს, რომ შეამოწმოთ კარებისა და ფანჯრების გარშემო ჰერმეტულობის დონე, ასევე, უმჯობესია არა მინა ან სპეციალური შუშა თბოიზოლაციისთვის, საჭიროების შემთხვევაში, გამოიყენე ასეთი მასალები.

გამოიყენე ვენტილატორი კონდიციონერთან ერთად

შეიძლება უცნაურად ჟღერდეს, მაგრამ ოთახის ჭერის ან სადგამი ვენტილატორის გამოყენება ამცირებს კონდიციონერზე დამოკიდებულებას. იგი ცივ ჰაერს თანაბრად ანაწილებს სივრცეში, რის შედეგადაც ოთახი უფრო სწრაფად გრილდება და ნაკლები დრო სჭირდება აქტიურ მუშაობას.

გამორთე კონდიციონერი, როცა ოთახში არ ხარ და არ გჭირდება

შესვენებაზე, სახლიდან გასვლისას, ან ოფისში სამუშაო დღის დასრულების შემდეგ, კონდიციონერის გამორთვა თითქმის ყველა ადამიანს ერთხელ მაინც დავიწყებია. ზოგჯერ მომხმარებლები სპეციალურად ტოვებენ კონდიციონერს დიდიხნის განამავლობაში, რათა სივრცე გაგრილებული დახვდეთ, თუმცა ეს არასწორი ქმედებაა. თუ მაინც გინდათ, რომ ოთახი დაბრუნებისას გაგრილებული დაგხვდეთ, გამოიყენე სმარტ კონტროლის და რეჟიმების მართვის ფუნქცია - უამრავ თანამედროვე კონდიციონერს აქვს შესაძლებლობა, სმარტფონიდან აკონტროლო, ჩართო ან გამორთო წინასწარ.

წელიწადში რამდენჯერმე ტექნიკოსი ამოწმებს ფრეონის დონეს, კომპრესორის მუშაობას და სხვა ტექნიკურ დეტალებს. როცა სისტემა სრულად გამართულ მდგომარეობაშია, მას არ სჭირდება ზედმეტი რესურსი.

ელექტროენერგიის დაზოგვა კონდიციონერის გამოყენებისას არ ნიშნავს კომფორტზე უარის თქმას. გაანალიზეთ თქვენი ყოველდღიური პრაქტიკა:
რაც უფრო მეტი ყურადღება დაეთმობა მცირე დეტალებს, მით უფრო გაიზრდება თქვენი ენერგოეფექტურობა და შესაბამისად, შემცირდება ელექტროენერგიის ხარჯიც.