კონდიციონერის ფუნქციები, რომლებიც შესაძლოა, აქამდე არ იცოდით

კონდიციონერი სახლის, ოფისისა და ზოგადად, ნებისმიერი სივრცისთვის საჭირო საყოფაცხოვრებო ტექნიკაა. ზაფხულს ცხელ დღეებში სიგრილის, ხოლო ზამთარში - სითბოს წყარო. ჩვენთვის, თანამედროვე ეპოქაში მცხოვრები ადამიანებისთვის, მსგავსი ტიპის ტექნიკა გასაკვირი აღარაა, თუმცა, წარმოიდგინეთ, როგორი იქნებოდა ცხოვრება მის გარეშე ისეთ ცხელ დღეებში, როცა ტემპერატურა 45°-ს უტოლდება.

საინტერესოა, რამდენად კარგად იცით თქვენი კონდიციონერის ფუნქციებისა და მახასიათებლების შესახებ. ამ ბლოგში ინფორმაციას სწორედ იმ ფუნქციებზე გაგიზიარებთ, რომლებიც შესაძლოა, აქამდე არ იცოდით. თუ გაინტერესებთ, თქვენი ტექნიკის პოტენციალი სრულად როგორ გამოიყენოთ, ეს სტატია თქვენთვისაა.

კონდიციონერის შექმნის ისტორია

1840-იან წლებში, ფლორიდელმა ექიმმა ჯონ გორიმ, პირველმა გააჟღერა იდეა, რომ პაპანაქება სიცხეებით გამოწვეული ტანჯვისგან ხალხი უნდა ეხსნა და ქალაქის გაგრილების რაიმე სქემა შეემუშავებინა. მას სჯეროდა, რომ გრილ ტემპერატურას შეეძლო ისეთი დაავადების თავიდან აცილება, როგორიცაა მალარია და სურდა, ნებისმიერი გზით, პაციენტებისთვის მეტი კომფორტი შეეთავაზებინა.

სწორედ ამიტომ, გორიმ დაიწყო ექსპერიმენტები ხელოვნური გაგრილების კონცეფციაზე და შექმნა აპარატი, რომელიც ყინულს კომპრესორის გამოყენებით ქმნიდა. მართალია, კონცეფცია წარუმატებელი აღმოჩნდა, რადგან ადამიანი, ვინც ექიმს მატერიალურად აფინანსებდა, გარდაიცვალა. თუმცა, გორის მცდელობამ სამომავლოდ, საფუძველი დაუდო კონდიციონერის სისტემის შექმნასა და ჩამოყალიბებას.

ხელოვნური გაგრილების იდეაზე, რამდენიმე წლის განმავლობაში აღარავის უფიქრია, სანამ ინჟინერმა უილის კარიერმა არ განაახლა ექსპერიმენტები, რომელიც პირველი თანამედროვე ჰაერის კონდიცირების დანადგარის შექმნით დასრულდა. 1902 წელს, Buffalo Forge Company-ში ამ იდეაზე მუშაობისას, ინჟინერი ერთ პრობლემას წააწყდა: ტექნიკის მიერ გამოყოფილი ზედმეტი ტენიანობა წიგნისა და გაზეთის გვერდებს ანაოჭებდა და ანადგურებდა. საბოლოოდ კი მან, 6 კოლეგასთან ერთად, შექმნა ისეთი გაგრილების სისტემა, რომელიც მართვის პანელის გამოყენებით ტენიანობასაც აკონტროლებდა და ტემპერატურასაც სურვილის მიხედვით არეგულირებდა.

ფუნქციები, რომელთა ცოდნაც დაგეხმარებათ

• ჰაერის გაწმენდისა და ფილტრაციის უნარი - თანამედროვე, მაღალი ხარისხის კონდიციონერები HEPA (High-Efficiency Particulate Air) ფილტრებითაა აღჭურვილი, რომლებსაც შეუძლიათ მტვრის, ობის სოკოს სპორებისა და სხვა ბაქტერიების შთანთქმა, რაც განსაკუთრებით მნიშვნელოვანია ალერგიის მქონე ან ასთმით დაავადებული ადამიანებისთვის.
• იონიზაციის ფუნქცია - კონდიციონერები აღჭურვილია ჰაერის გამწმენდი იონიზატორით, რომელიც მარტივად წმენდს ოთახს გარედან შემოსული გამონაბოლქვისგან, სიგარეტის კვამლისგან, ცხოველების ბეწვისგან და უხილავი მიკრობებისგან.
• ანტიბაქტერიული დამუშავება - ზოგიერთი მოდელი აღჭურვილია სპეციალური საფარით, რომელიც ხელს უშლის ბაქტერიების და ობის გამრავლებას კონდიციონერის შიგნით, რაც უზრუნველყოფს სუფთა ჰაერის ცირკულაციას და რესპირატორული ინფექციების რისკს მნიშვნელოვნად ამცირებს.
• ენერგიის დაზოგვის რეჟიმები - თანამედროვე კონდიციონერები ხშირად აღჭურვილია ე.წ "ჭკვიანი" თერმოსტატებით, რომლებიც თქვენს რუტინას მარტივად ითვისებენ და შემდეგ თავად არეგულირებენ ტემპერატურას თქვენივე ჩვევების მიხედვით. ეს ფუნქცია საშუალებას გაძლევთ დაზოგოთ ელექტროენერგია და შეამციროთ ხარჯებიც.
• მოძრაობის სენსორები - ალბათ, ნებისმიერ ადამიანს, სახლიდან გასვლისას ერთხელ მაინც დავიწყებია კონდიციონერის გამორთვა, თუმცა დღეს ეს პრობლემას აღარ წარმოადგენს. ზოგიერთი მაღალტექნოლოგიური მოდელი აღჭურვილია ისეთი მოძრაობის სენსორებით, რომლებიც ოთახში ადამიანების არსებობას აფიქსირებენ. თუ ოთახი გარკვეული დროის განმავლობაში ცარიელია, კონდიციონერი ავტომატურად ენერგიის დაზოგვის რეჟიმზე გადადის.
• ტენიანობის კონტროლი - კონდიციონერების უმრავლესობა არამხოლოდ ტემპერატურას აკონტროლებს, არამედ ჰაერის ტენიანობასაც. მისაღები ტენიანობის დონე , დაახლოებით 40-60%-მდე მერყეობს,რაც ხელს უწყობს თქვენი კანის სიჯანსაღეს, ამცირებს რესპირატორული დაავადებების რისკს და აუმჯობესებს ძილის ხარისხს.
• არომათერაპია - ეს ტერმინი შესაძლოა, ბევრისთვისაა ცნობილი, მაგრამ ცოტას თუ ეცოდინება, რომ ზოგ კონდიციონერს აღნიშნული ფუნქციაც აქვს. მეცნიერები მიიჩნევენ, რომ არომათერაპია ეთერზეთების საშუალებით ფიზიკურ და ფსიქიკურ ჯანმრთელობას აუმჯობესებს. 21-ე საუკუნეში კი ისეთი კონდიციონერის მოდელების შეძენა შეგიძლიათ, რომელიც საშუალებას გაძლევთ, სასურველი ეთერზეთი დაამატოთ სპეციალურ კონტეინერში, შედეგად კი სასიამოვნო არომატი მთელი დღის განმავლობაში შენარჩუნდება.
• მართვის პანელის კონტროლი ნებისმიერი ადგილიდან - კონდიციონერების მართვა ახლა უკვე სმარტფონიდანაც შესაძლებელია, როცა სამსახურში, საყიდლებზე ან მეგობრებთან ხართ გასული. ეს ფუნქცია საშუალებას გაძლევთ, რამდენიმე წუთით ან საათით ადრე, ნებისმიერ დროს ჩართოთ კონდიციონერი, რათა სახლში დაბრუნებულმა სასურველი ტემპერატურით ინებივროთ.
• კოორდინირებული მართვა - ზოგიერთი კონდიციონერის მოდელი შესაძლოა, ინტეგრირდეს ე.წ ჭკვიანი სახლის სისტემაში, რაც გეხმარებათ კოორდინირებულად მართოთ სახლში არსებული სხვადასხვა მოწყობილობები. მაგალითად, ავტომატურად დაეშვას ჟალუზები და ჩაირთოს კონდიციონერი გაგრილების რეჟიმზე.
• ხმოვანი კონტროლის ფუნქცია - კონდიციონერის ზოგიერთი მდელი თავსებადია ისეთ ხმოვან ასისტენტებთან, როგორიცაა Amazon Alexa, Google Assistant, Siri და სხვ.

ბოლო წლებში, კლიმატური პირობები საგრძნობლად შეიცვალა - ზაფხული უფრო ცხელი და ხანგრძლივი გახდა. ასეთ პირობებში, სულ უფრო მეტი ადამიანი ინტერესდება ისეთი კონდიციონერებით, რომლებიც წლის ნებისმიერ სეზონზე კომფორტულ გარემოს შექმნის. ერთ-ერთი ასეთი გამორჩეული მოდელია Electrolux-ის Atrium DC Inverter EACS/I-12HAT/N3_21Y.

რას გვთავაზობს აღნიშნული მოდელი?

Electrolux-ის ეს მოდელი გამოირჩევა რამდენიმე მნიშვნელოვანი მახასიათებლით:

• DC ინვერტორული ტექნოლოგია - დინამიურად არეგულირებს კომპრესორის სიჩქარეს, რაც საშუალებას იძლევა
  შენარჩუნდეს სასურველი ტემპერატურა მინიმალური ენერგიის დანახარჯით.
• იდეალური სიმძლავრე თქვენი სივრცისთვის - 12000 BTU გაგრილებისა და გათბობის სიმძლავრე
  ოპტიმალურია როგორც საძინებლისთვის, ასევე მისაღები სივრცისთვის და ოფისისთვის.
• გაუმჯობესებული ჰაერის ხარისხი - კონდიციონერი აღჭურვილია მრავალდონიანი ფილტრაციის სისტემით,
  რომელიც მოიცავს როგორც კატალიზურ, ასევე სტანდარტულ ჰაერის ფილტრებს.
• დაბალი ხმაურის დონე - შიდა ბლოკის ხმაურის დონე მხოლოდ 24 დეციბელია,
  რაც იმას ნიშნავს, რომ კონდიციონერის ხმას ვერც კი გაიგებთ.

ამ ფუნქციებს თუ გადავხედავთ, თამამად შეგვიძლია ვთქვათ, რომ თანამედროვე ტიპის კონდიციონერი გაცილებით მეტია, ვიდრე უბრალოდ ჰაერის გამაგრილებელი სისტემა. ხანდახან ვერც კი ვხვდებით, როგორ გვეხმარება შევინარჩუნოთ სუფთა და ჯანსაღი ჰაერი, დავზოგოთ ენერგია და გავიუმჯობესოთ ცხოვრების ხარისხი. იმისთვის, რომ საყოფაცხოვრებო ტექნიკის სრული პოტენციალი გამოიყენოთ, აუცილებლად გადახედეთ ინსტრუქციას ან შეძენამდე ჰკითხეთ სპეციალისტს, თუ რა მახასიათებლები გააჩნია თქვენს მიერ არჩეულ მოდელს.